Körfubolti

Sjáðu metframmistöðu Stephen Curry í nótt | Myndband

Óskar Ófeigur Jónsson skrifar
Stephen Curry fagnar í nótt.
Stephen Curry fagnar í nótt. Vísir/Getty
Stephen Curry var ekki búinn að spila í síðustu fjórum leikjum Golden State Warriors í úrslitakeppninni þegar hann mætti til leiks í nótt en það skipti engu máli.

Stephen Curry lét það ekki trufla sig að vera ekki búinn að spila í tvær vikur og setti á svið sögulega sýningu í sigri Golden State Warriors í framlengingu.

Stephen Curry skoraði á endanum 17 af 21 stigi Golden State Warriors liðsins í framlengingunni eða þremur stigum meira en allir leikmenn mótherjana til samans.

17 stig á fimm mínútum er það mesta sem leikmaður hefur skorað í einni framlengingu í sögu NBA og skiptir þar engu máli hvort um ræðir deildarleik eða leik í úrslitakeppni.

Stórbrotin frammistaða Stephen Curry sá til þess að Golden State Warriors er komið í 3-1 og getur tryggt sér sæti í úrslitum Vesturdeildarinnar með sigri á heimavelli í næsta leik.

Stig og hittni Stephen Curry eftir leikhlutum í nótt:

1. leikhluti- 4 stig og 33 prósent skotnýting (6/2)

2. leikhluti - 7 stig og 43 prósent skotnýting (7/3)

3. leikhluti - 2 stig og 20 prósent skotnýting (5/1)

4. leikhluti - 10 stig og 57 prósent skotnýting (7/4)

Framlenging - 17 stig og 86 prósent skotnýting (7/6)

Hér fyrir neðan má sjá myndbönd af þessari frábæru frammistöðu Stephen Curry í leiknum í nótt.

NBA

Mest lesið


Fleiri fréttir

Sjá meira


×

Mest lesið