Sigurgöngu OB lokið í bili

Eftir þrjá sigurleiki í röð varð OB að játa sig sigrað gegn Randers í dönsku úrvalsdeildinni í fótbolta í dag. Lokatölur 0-1, Randers í vil.

Hallgrímur Jónasson og Ari Freyr Skúlason voru á sínum í byrjunarliði OB og spiluðu allan leikinn.

Jafnræði var með liðunum lengst af en eina mark leiksins kom á lokamínútu fyrri hálfleiks. Það gerði Mikael Ishak fyrir Randers.

OB gekk illa að láta reyna á Karl-Johan Johnsson í marki Randers en heimamenn náðu aðeins einu skoti á markið í öllum leiknum. Það átti Ari Freyr beint úr aukaspyrnu á 5. mínútu.

OB er í 6. sæti deildarinnar með 34 stig, fimm stigum frá Evrópusæti.