Nýjar vendingar í máli OJ Simpson?

Lögregla í Los Angeles rannsakar nú hníf sem fannst á lóð fyrrverandi ruðningskappans OJ Simpson.

Simpson var fyrir rúmum tuttugu árum sýknaður af morði fyrrverandi eiginkonu sinnar og vini hennar í máli sem vakti athygli víða um heim. Fórnarlömbin voru stungin til bana en morðvopnið fannst aldrei.

Að því er bandarískir fjölmiðlar greina frá, var hnífnum komið í hendur lögreglu fyrir nokkrum árum. Simpson, sem bæði er þekktur fyrir íþróttaferil sinn og leik í kvikmyndum, situr nú inni vestanhafs fyrir vopnað rán.