Umfjöllun, viðtöl og myndir: Grótta - Haukar 30-29 | Seltirningar í úrslit eftir frábæran leik Ingvi Þór Sæmundsson í Laugardalshöll skrifar 25. febrúar 2016 23:00 Úr leiknum í kvöld. Vísir/Ernir Grótta mætir Stjörnunni í úrslitum Coca-Cola bikars kvenna í handbolta eftir eins marks sigur, 30-29, á Haukum í ótrúlegum leik í Laugardalshöllinni í kvöld.Ernir Eyjólfsson, ljósmyndari 365, var á vellinum í kvöld og tók meðfylgjandi myndir. Tvær framlengingar þurfti til að knýja fram úrslit í þessum frábæra leik en Grótta hafði að lokum betur og er komin í úrslit. Liðið á því möguleika að verja bikarmeistaratitilinn sem það vann í fyrsta sinn í fyrra. Hin 16 ára Lovísa Thompson steig upp þegar mest á reyndi og skoraði sigurmark Gróttu. Haukar fengu gullið tækifæri til að jafna metin undir lok seinni framlengingarinnar en vítakast Vilborgar Pétursdóttir hafnaði í stönginni. Umrædd Lovísa fór mikinn á lokakafla venjulegs leiktíma þar sem hún skoraði tvö síðustu mörk Gróttu. Alls gerði þetta ofurbarn fimm mörk en fjögur þeirra komu á lokamínútum venjulegs leiktíma og í framlengingunum tveimur. Frábær frammistaða hjá þessum stórefnilega leikmanni sem virðist líða best á stærsta sviðinu. Íris Björk Símonardóttir var sömuleiðis stórkostleg á lokakaflanum en hún varði m.a. fjögur af síðustu sex vítum Hauka. Frábær frammistaða hjá Írisi sem líklega aldrei spilað betur en á þessu tímabili. Fyrirliðinn Laufey Ásta Guðmundsdóttir var einnig mögnuð og skoraði 12 mörk. Grótta byrjaði leikinn betur og komst í 3-1. Þá kom frábær 5-0 kafli hjá Haukum sem tóku völdin í leiknum og héldu þeim þar til langt fram í seinni hálfleik. Hafnfirðingar voru jafnan 2-4 mörkum yfir en breytt vörn Gróttu setti sóknarleik Hauka út af laginu. Seltirningar tóku Ramune Pekarskyte úr umferð nær allan leikinn og um miðjan seinni hálfleik fór Grótta einnig að taka hina portúgölsku Mariu Ines De Silve Pereira úr umferð. Grótta fór að éta upp forskot Hauka og Lovísa jafnaði metin í 23-23 en það var í fyrsta sinn sem það var jafnt frá því í stöðunni 3-3. Lovísa kom svo bikarmeisturunum yfir, 24-23, með sínu fjórða marki. Í kjölfarið sótti Ragnheiður Ragnarsdóttir vítakast og fiskaði Sunnu Maríu Einarsdóttir af velli. Karen fór sjálf á vítalínuna en Íris varði. Haukar náðu hins vegar frákastinu og Maria tryggði Hafnfirðingum framlengingu þegar hún jafnaði metin í 24-24 þegar um 15 sekúndur voru eftir. Einum fleiri byrjuðu Haukar framlenginguna betur og náðu í tvígang tveggja marka forystu. En Seltirningar gáfust ekki upp, skoruðu þrjú mörk í röð og breyttu stöðunni í 28-27. Ramune jafnaði metin í 28-28 og Haukar fengu úrvalsfæri til að vinna leikinn undir lok fyrri framlengarinnar en Íris Björk varði í frábærlega í tvígang, fyrst hraðaupphlaup frá Mariu og svo víti frá Ramune. Hvorugu liðinu tókst að skora í fyrri hálfleik seinni framlengingarinnar þar sem þreytan virtist bera leikmenn ofurliði. Maria skoraði fyrsta markið í seinni framlengingunni en Sunna María jafnaði metin í 29-29. Haukar fengu svo enn eitt vítakastið en Íris Björk sá við Mariu. Í næstu sókn skoraði Lovísa 30. mark Gróttu og sigurinn virtist í höfn. En Haukar tóku hraða miðju og Ragnheiður Sveinsdóttir fékk dauðafæri á línunni en Íris varði með tilþrifum. Hafnfirðingar hirtu þó frákastið og Karen Helga fiskaði víti þegar 18 sekúndur voru eftir. Óskar Ármannsson, þjálfari Hauka, tók athyglisverða ákvörðun og sendi Vilborgu Pétursdóttur á línuna en hún hafði spilað lítið í leiknum. Að þessu sinni varði Íris ekki en skot Vilborgar hafnaði í stönginni. Grótta spilaði síðustu sekúndurnar af skynsemi og fagnaði sigri og sæti í úrslitaleiknum. Laufey Ásta Guðmundsdóttir var markahæst í liði Gróttu en hún skoraði 12 mörk, þar af fimm af vítalínunni. Fyrirliðinn var sérstaklega mikilvæg þegar Seltirningar unnu sig aftur inn í leikinn í seinni hálfleik og skoraði þá mikilvæg mörk. Lovísa og Sunna María komu næstar með fimm mörk hvor. Ramune skoraði 10 mörk fyrir Hauka og Maria sex. Þá átti Jóna Sigríður Halldórsdóttir skínandi leik í vinstra horninu og skoraði fimm mörk. Karen Helga gerði fjögur mörk en það dró mikið af henni eftir því sem leið á leikinn, enda fékk hún litla hvíld.Kári: Aldrei spilað þessa vörn áður "Varstu farinn að geispa?" sagði Kári Garðarsson, þjálfari Gróttu, í léttum dúr við blaðamann Vísis eftir ótrúlegan sigur hans stelpna á Haukum, 30-29, í tvíframlengdum leik í undanúrslitum Coca-Cola bikarsins í handbolta í kvöld. Leikurinn var frábær skemmtun og æsispennandi en Grótta var þó í vandræðum lengi vel og Haukar leiddu jafnan með 2-4 mörkum. "Við vorum í vandræðum á löngum köflum í leiknum. Fyrstu mínúturnar vorum við í vandræðum með Ramune (Pekarskyte) sem var þess valdandi að við fórum að taka hana úr umferð," sagði Kári sem hrósaði sínum stelpum fyrir frammistöðuna í leiknum. "Íris Björk (Símonardóttir) og Lovísa (Thompson) voru frábærar, Laufey Ásta (Guðmundsdóttir) dró vagninn og Anna Úrsúla (Guðmundsdóttir) gaf allt í leikinn þrátt fyrir að vera hálf veik. Þetta var sigur liðsheildarinnar." Kári breytti vörn Gróttu um miðbik seinni hálfleik en Seltirningar tóku þá tvo leikmenn Hauka úr umferð. Þjálfarinn kvaðst ánægður með hvernig til tókst. "Ég held að það hafi hleypt smá lífi í þetta. Við byrjuðum á að taka Ramune úr umferð en þá kom Maria (Ines Da Silve Pereira) trekk í trekk á flata vörnina og skoraði. "Þannig að við ákváðum að láta reyna á þetta. Við höfum aldrei gert þetta áður og spilum alltaf okkar 6-0 vörn," sagði Kári og bætti því við að Grótta hafi lítið sem ekkert æft þetta varnarafbrigði. Grótta mætir Stjörnunni í úrslitaleiknum á laugardaginn. Og þrátt fyrir tvíframlengdan leik í kvöld vonast hann til að þreytan muni ekki há sínum stelpum í úrslitaleiknum. "Það verður alveg þreyta í liðinu en ég náði að rúlla á einhverjum 10-11 leikmönnum í kvöld og það munar um það. Ég vona að við náum góðri endurheimt á morgun og svo er enginn þreyttur í bikarúrslitum," sagði Kári að lokum.Óskar: Vorum sannarlega betri aðilinn í leiknum Þrátt fyrir sárgrætilegt tap gegn Gróttu í undanúrslitum Coca-Cola bikarsins í kvöld kvaðst Óskar Ármannsson, þjálfari Hauka, ánægður með sitt lið. "Þetta var spenna í á annan tíma, maður er aðeins ná sér niður. Við erum auðvitað svekktar að hafa ekki klárað þetta því við vorum sannarlega betri aðilinn í leiknum," sagði Óskar og bætti við: "En þetta var einn af þeim leikjum þar sem það dugir ekki til." Haukar fóru á köflum illa að ráði sínu í leiknum og klúðruðu m.a. fimm vítaköstum sem reyndist dýrt þegar uppi var staðið. "Það var rándýrt og skildi á milli. En svona er þetta, ég get ekkert kvartað yfir mínu liði. "Við spiluðum ekki illa, þær lögðu sig allar fram og það gekk einhvern veginn allt sem við lögðum upp með. Ég er ánægður með leikinn sem slíkan," sagði Óskar sem hafði ýmislegt við dómgæsluna að athuga. "Þegar við náðum að losa Ramune (Pekarskyte) og Mariu (Ines De Silve Pereira) fannst mér alltof fáir dómar falla okkur í hag. Það er rándýrt og telur í svona leik. Á meðan fengum við dæmda á okkur ruðninga fyrir ekki neitt. "En þegar uppi var staðið vil ég ekki vera að spá í það. Það var margt annað - dauðafæri, vítanýting - sem skildi á milli," sagði Óskar að endingu.Lovísa: Magnað að vera með svona markmann Lovísa Thompson, leikmaður Gróttu, var merkilega róleg eftir að Seltirningar tryggðu sér sæti í bikarúrslitum með 30-29 sigri á Haukum í tvíframlengdum leik í kvöld. Lovísa lét lítið fyrir sér fara framan af leik en hún steig upp á lokakaflanum, skoraði tvö síðustu mörk Gróttu í venjulegum leiktíma og svo sigurmark liðsins undir lok seinni framlengingarinnar. "Ég veit ekki hvað skal segja, mér finnst þetta allavega gaman," sagði Lovísa hin rólegasta eftir leik. Haukar leiddu megnið af leiknum en með breyttri og bættri vörn náði Grótta að jafna metin og tryggja sér framlengingu. "Vörnin, karakterinn í liðinu og breytt hugarfar," sagði Lovísa aðspurð hvað hafi skilað Gróttu sigrinum. Íris Björk Símonardóttir átti einnig frábæran leik í marki Gróttu og varði m.a. fjögur víti á lokakaflanum. "Það er magnað að vera með svona markmann og algjör forréttindi," sagði Lovísa sem virtist eiga nóg eftir á tankinum undir lokin þegar aðrir leikmenn voru farnir að þreytast. "Ég spilaði bara vörn til að byrja með en fékk smá útrás í sókninni," sagði Lovísa hin glaðasta að lokum.Lovísa steig upp þegar mest á reyndi.vísir/ernirKári segir sínum stelpum til.vísir/ernirÓskar var ekki sáttur með dómgæsluna í kvöld.vísir/ernir Olís-deild kvenna Mest lesið Leik lokið: FH - ÍBV 28-29 | Elmar neitaði að fara í sumarfrí Handbolti Valsmenn fyrstir í úrslit Evrópukeppni í 44 ár Handbolti Stendur með Salah og skilur pirring hans Enski boltinn „Versta ákvörðun í sögu Meistaradeildarinnar“ Fótbolti Arsenal vann kaflaskiptan Norður-Lundúnaslag Enski boltinn Uppgjör: Víkingur - KA 4-2 | Ekkert fær meistarana stöðvað Íslenski boltinn Í beinni: KR - Breiðablik | Fyrsti leikurinn á Meistaravöllum í sumar Íslenski boltinn Uppgjör og viðtöl: ÍA-FH 1-2 | FH-ingar sóttu sigur á Skagann Íslenski boltinn Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Íslenski boltinn Meistarar Man City halda í við topplið Arsenal Enski boltinn Fleiri fréttir Í beinni: FH - ÍBV | FH-ingar komast í úrslit með sigri Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Sjá meira
Grótta mætir Stjörnunni í úrslitum Coca-Cola bikars kvenna í handbolta eftir eins marks sigur, 30-29, á Haukum í ótrúlegum leik í Laugardalshöllinni í kvöld.Ernir Eyjólfsson, ljósmyndari 365, var á vellinum í kvöld og tók meðfylgjandi myndir. Tvær framlengingar þurfti til að knýja fram úrslit í þessum frábæra leik en Grótta hafði að lokum betur og er komin í úrslit. Liðið á því möguleika að verja bikarmeistaratitilinn sem það vann í fyrsta sinn í fyrra. Hin 16 ára Lovísa Thompson steig upp þegar mest á reyndi og skoraði sigurmark Gróttu. Haukar fengu gullið tækifæri til að jafna metin undir lok seinni framlengingarinnar en vítakast Vilborgar Pétursdóttir hafnaði í stönginni. Umrædd Lovísa fór mikinn á lokakafla venjulegs leiktíma þar sem hún skoraði tvö síðustu mörk Gróttu. Alls gerði þetta ofurbarn fimm mörk en fjögur þeirra komu á lokamínútum venjulegs leiktíma og í framlengingunum tveimur. Frábær frammistaða hjá þessum stórefnilega leikmanni sem virðist líða best á stærsta sviðinu. Íris Björk Símonardóttir var sömuleiðis stórkostleg á lokakaflanum en hún varði m.a. fjögur af síðustu sex vítum Hauka. Frábær frammistaða hjá Írisi sem líklega aldrei spilað betur en á þessu tímabili. Fyrirliðinn Laufey Ásta Guðmundsdóttir var einnig mögnuð og skoraði 12 mörk. Grótta byrjaði leikinn betur og komst í 3-1. Þá kom frábær 5-0 kafli hjá Haukum sem tóku völdin í leiknum og héldu þeim þar til langt fram í seinni hálfleik. Hafnfirðingar voru jafnan 2-4 mörkum yfir en breytt vörn Gróttu setti sóknarleik Hauka út af laginu. Seltirningar tóku Ramune Pekarskyte úr umferð nær allan leikinn og um miðjan seinni hálfleik fór Grótta einnig að taka hina portúgölsku Mariu Ines De Silve Pereira úr umferð. Grótta fór að éta upp forskot Hauka og Lovísa jafnaði metin í 23-23 en það var í fyrsta sinn sem það var jafnt frá því í stöðunni 3-3. Lovísa kom svo bikarmeisturunum yfir, 24-23, með sínu fjórða marki. Í kjölfarið sótti Ragnheiður Ragnarsdóttir vítakast og fiskaði Sunnu Maríu Einarsdóttir af velli. Karen fór sjálf á vítalínuna en Íris varði. Haukar náðu hins vegar frákastinu og Maria tryggði Hafnfirðingum framlengingu þegar hún jafnaði metin í 24-24 þegar um 15 sekúndur voru eftir. Einum fleiri byrjuðu Haukar framlenginguna betur og náðu í tvígang tveggja marka forystu. En Seltirningar gáfust ekki upp, skoruðu þrjú mörk í röð og breyttu stöðunni í 28-27. Ramune jafnaði metin í 28-28 og Haukar fengu úrvalsfæri til að vinna leikinn undir lok fyrri framlengarinnar en Íris Björk varði í frábærlega í tvígang, fyrst hraðaupphlaup frá Mariu og svo víti frá Ramune. Hvorugu liðinu tókst að skora í fyrri hálfleik seinni framlengingarinnar þar sem þreytan virtist bera leikmenn ofurliði. Maria skoraði fyrsta markið í seinni framlengingunni en Sunna María jafnaði metin í 29-29. Haukar fengu svo enn eitt vítakastið en Íris Björk sá við Mariu. Í næstu sókn skoraði Lovísa 30. mark Gróttu og sigurinn virtist í höfn. En Haukar tóku hraða miðju og Ragnheiður Sveinsdóttir fékk dauðafæri á línunni en Íris varði með tilþrifum. Hafnfirðingar hirtu þó frákastið og Karen Helga fiskaði víti þegar 18 sekúndur voru eftir. Óskar Ármannsson, þjálfari Hauka, tók athyglisverða ákvörðun og sendi Vilborgu Pétursdóttur á línuna en hún hafði spilað lítið í leiknum. Að þessu sinni varði Íris ekki en skot Vilborgar hafnaði í stönginni. Grótta spilaði síðustu sekúndurnar af skynsemi og fagnaði sigri og sæti í úrslitaleiknum. Laufey Ásta Guðmundsdóttir var markahæst í liði Gróttu en hún skoraði 12 mörk, þar af fimm af vítalínunni. Fyrirliðinn var sérstaklega mikilvæg þegar Seltirningar unnu sig aftur inn í leikinn í seinni hálfleik og skoraði þá mikilvæg mörk. Lovísa og Sunna María komu næstar með fimm mörk hvor. Ramune skoraði 10 mörk fyrir Hauka og Maria sex. Þá átti Jóna Sigríður Halldórsdóttir skínandi leik í vinstra horninu og skoraði fimm mörk. Karen Helga gerði fjögur mörk en það dró mikið af henni eftir því sem leið á leikinn, enda fékk hún litla hvíld.Kári: Aldrei spilað þessa vörn áður "Varstu farinn að geispa?" sagði Kári Garðarsson, þjálfari Gróttu, í léttum dúr við blaðamann Vísis eftir ótrúlegan sigur hans stelpna á Haukum, 30-29, í tvíframlengdum leik í undanúrslitum Coca-Cola bikarsins í handbolta í kvöld. Leikurinn var frábær skemmtun og æsispennandi en Grótta var þó í vandræðum lengi vel og Haukar leiddu jafnan með 2-4 mörkum. "Við vorum í vandræðum á löngum köflum í leiknum. Fyrstu mínúturnar vorum við í vandræðum með Ramune (Pekarskyte) sem var þess valdandi að við fórum að taka hana úr umferð," sagði Kári sem hrósaði sínum stelpum fyrir frammistöðuna í leiknum. "Íris Björk (Símonardóttir) og Lovísa (Thompson) voru frábærar, Laufey Ásta (Guðmundsdóttir) dró vagninn og Anna Úrsúla (Guðmundsdóttir) gaf allt í leikinn þrátt fyrir að vera hálf veik. Þetta var sigur liðsheildarinnar." Kári breytti vörn Gróttu um miðbik seinni hálfleik en Seltirningar tóku þá tvo leikmenn Hauka úr umferð. Þjálfarinn kvaðst ánægður með hvernig til tókst. "Ég held að það hafi hleypt smá lífi í þetta. Við byrjuðum á að taka Ramune úr umferð en þá kom Maria (Ines Da Silve Pereira) trekk í trekk á flata vörnina og skoraði. "Þannig að við ákváðum að láta reyna á þetta. Við höfum aldrei gert þetta áður og spilum alltaf okkar 6-0 vörn," sagði Kári og bætti því við að Grótta hafi lítið sem ekkert æft þetta varnarafbrigði. Grótta mætir Stjörnunni í úrslitaleiknum á laugardaginn. Og þrátt fyrir tvíframlengdan leik í kvöld vonast hann til að þreytan muni ekki há sínum stelpum í úrslitaleiknum. "Það verður alveg þreyta í liðinu en ég náði að rúlla á einhverjum 10-11 leikmönnum í kvöld og það munar um það. Ég vona að við náum góðri endurheimt á morgun og svo er enginn þreyttur í bikarúrslitum," sagði Kári að lokum.Óskar: Vorum sannarlega betri aðilinn í leiknum Þrátt fyrir sárgrætilegt tap gegn Gróttu í undanúrslitum Coca-Cola bikarsins í kvöld kvaðst Óskar Ármannsson, þjálfari Hauka, ánægður með sitt lið. "Þetta var spenna í á annan tíma, maður er aðeins ná sér niður. Við erum auðvitað svekktar að hafa ekki klárað þetta því við vorum sannarlega betri aðilinn í leiknum," sagði Óskar og bætti við: "En þetta var einn af þeim leikjum þar sem það dugir ekki til." Haukar fóru á köflum illa að ráði sínu í leiknum og klúðruðu m.a. fimm vítaköstum sem reyndist dýrt þegar uppi var staðið. "Það var rándýrt og skildi á milli. En svona er þetta, ég get ekkert kvartað yfir mínu liði. "Við spiluðum ekki illa, þær lögðu sig allar fram og það gekk einhvern veginn allt sem við lögðum upp með. Ég er ánægður með leikinn sem slíkan," sagði Óskar sem hafði ýmislegt við dómgæsluna að athuga. "Þegar við náðum að losa Ramune (Pekarskyte) og Mariu (Ines De Silve Pereira) fannst mér alltof fáir dómar falla okkur í hag. Það er rándýrt og telur í svona leik. Á meðan fengum við dæmda á okkur ruðninga fyrir ekki neitt. "En þegar uppi var staðið vil ég ekki vera að spá í það. Það var margt annað - dauðafæri, vítanýting - sem skildi á milli," sagði Óskar að endingu.Lovísa: Magnað að vera með svona markmann Lovísa Thompson, leikmaður Gróttu, var merkilega róleg eftir að Seltirningar tryggðu sér sæti í bikarúrslitum með 30-29 sigri á Haukum í tvíframlengdum leik í kvöld. Lovísa lét lítið fyrir sér fara framan af leik en hún steig upp á lokakaflanum, skoraði tvö síðustu mörk Gróttu í venjulegum leiktíma og svo sigurmark liðsins undir lok seinni framlengingarinnar. "Ég veit ekki hvað skal segja, mér finnst þetta allavega gaman," sagði Lovísa hin rólegasta eftir leik. Haukar leiddu megnið af leiknum en með breyttri og bættri vörn náði Grótta að jafna metin og tryggja sér framlengingu. "Vörnin, karakterinn í liðinu og breytt hugarfar," sagði Lovísa aðspurð hvað hafi skilað Gróttu sigrinum. Íris Björk Símonardóttir átti einnig frábæran leik í marki Gróttu og varði m.a. fjögur víti á lokakaflanum. "Það er magnað að vera með svona markmann og algjör forréttindi," sagði Lovísa sem virtist eiga nóg eftir á tankinum undir lokin þegar aðrir leikmenn voru farnir að þreytast. "Ég spilaði bara vörn til að byrja með en fékk smá útrás í sókninni," sagði Lovísa hin glaðasta að lokum.Lovísa steig upp þegar mest á reyndi.vísir/ernirKári segir sínum stelpum til.vísir/ernirÓskar var ekki sáttur með dómgæsluna í kvöld.vísir/ernir
Olís-deild kvenna Mest lesið Leik lokið: FH - ÍBV 28-29 | Elmar neitaði að fara í sumarfrí Handbolti Valsmenn fyrstir í úrslit Evrópukeppni í 44 ár Handbolti Stendur með Salah og skilur pirring hans Enski boltinn „Versta ákvörðun í sögu Meistaradeildarinnar“ Fótbolti Arsenal vann kaflaskiptan Norður-Lundúnaslag Enski boltinn Uppgjör: Víkingur - KA 4-2 | Ekkert fær meistarana stöðvað Íslenski boltinn Í beinni: KR - Breiðablik | Fyrsti leikurinn á Meistaravöllum í sumar Íslenski boltinn Uppgjör og viðtöl: ÍA-FH 1-2 | FH-ingar sóttu sigur á Skagann Íslenski boltinn Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Íslenski boltinn Meistarar Man City halda í við topplið Arsenal Enski boltinn Fleiri fréttir Í beinni: FH - ÍBV | FH-ingar komast í úrslit með sigri Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Sjá meira
Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Íslenski boltinn
Uppgjör og viðtöl: Vestri - HK 1-0 | Benedikt tryggði Vestra annan sigurinn í röð Íslenski boltinn