Glamour

Sparaðu þér tíma eftir ræktina

Ritstjórn skrifar

Nú er sá tími ársins þar sem margir byrja í ræktinni. Það er fátt betra en að skreppa í hádeginu, en þar sem ræktarferð getur verið ansi tímafrek með sturtuferð, hárblæstri og förðun þá tókum við saman nokkrar góðar vörur sem gætu sparað þér heilmikinn tíma í hádegisrækt. 

Moroccanoil Dry Shampoo
Þetta þurrsjampó inniheldur hrísgrjónasterkju sem dregur í sig olíu svo hárið verður hreinna. Þurrkaðu hárið með hárblásara og spreyjaðu þurrsjampóinu í hárið. Nuddaðu því í rótina og hárið verður hreinna og ilmar dásamlega. Til bæði fyrir dökkt hár með smá dökkum lit og fyrir ljósara hár með örlitlum fjólubláum tón.

Dior iconic Overcurl Waterproof maskari
Það er algjört must að vera með vatnsheldan maskara, bæði ef þú ætlar ekki að enda með pönduaugu eftir sveittan tíma og líka ef þú ætlar að spara þér tíma eftir ræktina. Þessi gefur góða sveigju og helst vel á.

Bourjois Air Mat Foundation
Þessi frábæri farði gefur góða þekju og inniheldur púður sem heldur húðinni mattri. Frábært til þess að hylja rauðar kinnar eftir æfingu og draga úr glans.

Skyn Iceland The Antidote Cooling Lotion
Frískandi og rakagefandi andlitskrem sem inniheldur myntu sem hefur kælandi áhrif á húðina. Algjör snilld á heitar kinnar eftir góða æfingu. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.