Umfjöllun og viðtöl: Stjarnan - Fram 22-27 | Frábær byrjun og frábær markvarsla hjá Fram Óskar Ófeigur Jónsson í Mýrinni skrifar 12. nóvember 2016 16:00 Sigurbjörg Jóhannsdóttir skoraði fimm mörk úr sex skotum. Vísir/Eyþór Framkonur eru komnar með fjögurra stiga forskot á toppi Olís-deildar kvenna eftir sannfærandi fimm marka útisigur á Stjörnunni, 27-22, í toppslagnum í Mýrinni í dag. Það er mikið eftir að mótinu ennþá en Framkonur hafa sýnt það með átta sigrum í fyrstu níu leikjum sínum að þar fer lið sem er til alls líklegt á þessu tímabili. Stefán Arnarson, þjálfari Framliðsins, er kominn með meistaralið í hendurnar ef marka má þessa frammistöðu á útivelli á móti liðinu í öðru sæti. Framliðið gaf tóninn strax í byrjun með því að komast í 5-0 og halda marki sínu hreinu fyrstu níu mínútur leiksins. Stjörnuliðið náði að minnka muninn í tvö mörk fyrir hálfleik, 15-13, en eftir aðra góða byrjun Framliðsins í seinni hálfleiknum var sigur Safamýrastelpna aldrei í hættu. Guðrún Ósk Maríasdóttir var frábær í marki Fram. Hún varði fjögur fyrstu skot Stjörnunnar í leiknum og varði alls 21 skot í dag. Guðrún Ósk tók meðal annars þrjú vítaskot en Stjörnukonur klikkuðu á fjórum af sjö vítum sínum í leiknum. Vörn og frábær markvarsla lögðu grunninn að sigri Framliðsins í þessum leik. Þær fundu ekki mikið fyrir því að stórskyttan Ragnheiður Júlíusdóttir nýtti aðeins tvö af fyrstu tólf skotum sínum í leiknum. Hægri vængurinn, skyttan Hildur Þorgeirsdóttir og hornamaðurinn Hekla Rún Ámundadóttir voru að skila mestu í sókninni ásamt leikstjórnandanum Sigurbjörgu Jóhannsdóttur. Ragnheiður endaði með 5 mörk, líkt og Sigurbjörg, en þurfti 18 skot til að skora þau. Hulda Dagsdóttir átti flotta innkomu í fyrri hálfleiknum þegar lítið gekk í sóknarleik Fram og skoraði þá þrjú mörk í röð. Það voru þó bara einu mörk hennar í leiknum. Fyrirliðinn Steinunn Björnsdóttir var traust í vörninni og skoraði einnig þrjú mörk og fiskaði tvö víti. Helena Rut Örvarsdóttir var atkvæðamest hjá Stjörnunni en þurfti 14 skot til að skora sín 6 mörk. Slæm byrjun gerði liðinu nánast ómögulegt að fá eitthvað út úr leik á móti mjög sterku Framliði. Það hjálpaði ekki að þegar þær fundu skotfæri á móti Framvörninni þá var Guðrún Ósk oftast mætt til að verja. Það verður samt að teljast ansi dýrt í fimm marka tapi að klikka fjórum vítum fleiri en andstæðingurinn. Stjörnukonur höfðu unnið sex deildarleiki í röð eins og Framliðið en réðu ekki við öflugt Framlið í dag. Það er samt betra að lenda í svona leik svo snemma á tímabilinu því Garðbæingar hafa nægan tíma til að laga sinn leik þar til að liðin mætast á ný eftir áramót.Steinunn: Markvarslan hefur verið frábær Steinunn Björnsdóttir, fyrirliði Fram, átti flottan leik í dag. „Þetta var gjörsamlega geggjað. Við byrjuðum báða hálfleikana frábærlega og náðum 4-5 marka forskoti sem við héldum,“ sagði Steinunn í samtali við Vísi eftir leik. „Við vorum staðráðnar í að byrja seinni hálfleikinn af krafti. Svo tóku þær leikhlé og þá reyndi á okkur að halda áfram. Það var enginn slæmur kafli í seinni hálfleik.“ Vörn og markvarsla Framliðsins var til mikillar fyrirmyndar og átti stærstan þátt í sigrinum. „Markvarslan hefur verið frábær, sem og vörnin, og það var mjög gott að halda þeim í 22 mörkum. Við höfum haldið liðum í kringum 20 mörk í vetur,“ sagði Steinunn sem er með báða fætur á jörðinni þrátt fyrir að Fram sé komið með fjögurra stiga forskot á toppi Olís-deildarinnar. „Hún þýðir lítið akkúrat núna, það er mikið eftir. Það er frábært að vera með smá forystu á toppnum en við eigum erfiðan leik á þriðjudaginn. Það væri frábært að vinna hann og fara inn í fríið á toppnum,“ sagði Steinunn en Fram mætir Haukum á þriðjudaginn.Rakel Dögg: Töpuðum fyrir betra liði Rakel Dögg Bragadóttir, leikmaður Stjörnunnar, var ósátt með hvernig Garðbæingar byrjuðu leikinn í dag. „Þetta var mjög slök byrjun, bæði í vörn og sókn, og það er erfitt að lenda svona mikið undir á móti liði eins og Fram. Þetta var eltingarleikur allan tímann og þó við höfum komið til baka og komist vel inn í leikinn náðum við aldrei að jafna,“ sagði Rakel. En hvað fór úrskeiðis hjá Stjörnunni í dag? „Við tókum léleg skot. Guðrún [Ósk Maríasdóttir] var auðvitað frábær í markinu en skotin sem við tókum á fyrstu tíu mínútunum voru beint á hana,“ sagði Rakel. „Svo stóðum við ekki vel í vörninni og það eru margir hlutir sem spila inn í. Þessi byrjun gerði okkur klárlega erfitt fyrir. Það er alltaf erfitt að elta og mér fannst við einfaldlega tapa fyrir betra liði.“ Þrátt fyrir að Fram sé komið með fjögurra stiga forskot á toppnum segir Rakel að toppbaráttan sé langt frá því að vera búin. „Mótið er ekki einu sinni hálfnað svo ég ætla ekki að skrifa titilinn á þær. En auðvitað eru þær kandítatar í það og verðskulda það eftir þessa byrjun í haust,“ sagði Rakel og bætti við: „Þetta er langt mót og sterk lið í deildinni þannig að þær geta ekkert slakað á, við getum ekkert slakað á og ætlum að halda áfram að anda ofan í hálsmálið á þeim.“ Olís-deild kvenna Mest lesið Íslenskur doktorsnemi Englandsmeistari: Rannsakar prótín og skorar af línunni í Oxford Sport Lokaumferðin í enska: Newcastle hélt Meistaradeildarsætinu Enski boltinn Aron Pálmarsson leggur skóna á hilluna í sumar Handbolti Uppgjörið: FH - Breiðablik 2-0 | Kraftmiklir Hafnfirðingar kafsigldu Blika Íslenski boltinn Sjáðu mörkin úr endurkomu Vestra og þrumufleyg Hallgríms Íslenski boltinn Uppgjörið: FHL - Þróttur 0-4 | Þróttarar á toppinn eftir stórsigur fyrir austan Íslenski boltinn Aron Einar tók þátt í að binda endi á langa bikarbið Al-Gharafa Fótbolti Bastarður ráðinn til starfa Fótbolti Ítalíumeistararnir að landa De Bruyne Fótbolti Garnacho ekki í hóp Enski boltinn Fleiri fréttir Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið „Við þurfum hjálp frá Guði“ „Við erum með gríðarlega sterka liðsheild“ „Er til eitthvað sem heitir sjöundi gír?“ Uppgjörið: Haukar - Valur 22-29 (0-2) | Skellt í lás í seinni Þjálfari Íslendingaliðsins í veikindaleyfi eftir yfirliðið „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ „Þjáning í marga daga“ Uppgjörið: Valur - Fram 27-28 | Fram Íslandsmeistari í fyrsta sinn í tólf ár Ómar óstöðvandi í sigri Magdeburg Óðinn og félagar einum sigri frá titlinum Þýskaland, Úrúgvæ og Serbía með Íslandi í riðli á HM Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Sjá meira
Framkonur eru komnar með fjögurra stiga forskot á toppi Olís-deildar kvenna eftir sannfærandi fimm marka útisigur á Stjörnunni, 27-22, í toppslagnum í Mýrinni í dag. Það er mikið eftir að mótinu ennþá en Framkonur hafa sýnt það með átta sigrum í fyrstu níu leikjum sínum að þar fer lið sem er til alls líklegt á þessu tímabili. Stefán Arnarson, þjálfari Framliðsins, er kominn með meistaralið í hendurnar ef marka má þessa frammistöðu á útivelli á móti liðinu í öðru sæti. Framliðið gaf tóninn strax í byrjun með því að komast í 5-0 og halda marki sínu hreinu fyrstu níu mínútur leiksins. Stjörnuliðið náði að minnka muninn í tvö mörk fyrir hálfleik, 15-13, en eftir aðra góða byrjun Framliðsins í seinni hálfleiknum var sigur Safamýrastelpna aldrei í hættu. Guðrún Ósk Maríasdóttir var frábær í marki Fram. Hún varði fjögur fyrstu skot Stjörnunnar í leiknum og varði alls 21 skot í dag. Guðrún Ósk tók meðal annars þrjú vítaskot en Stjörnukonur klikkuðu á fjórum af sjö vítum sínum í leiknum. Vörn og frábær markvarsla lögðu grunninn að sigri Framliðsins í þessum leik. Þær fundu ekki mikið fyrir því að stórskyttan Ragnheiður Júlíusdóttir nýtti aðeins tvö af fyrstu tólf skotum sínum í leiknum. Hægri vængurinn, skyttan Hildur Þorgeirsdóttir og hornamaðurinn Hekla Rún Ámundadóttir voru að skila mestu í sókninni ásamt leikstjórnandanum Sigurbjörgu Jóhannsdóttur. Ragnheiður endaði með 5 mörk, líkt og Sigurbjörg, en þurfti 18 skot til að skora þau. Hulda Dagsdóttir átti flotta innkomu í fyrri hálfleiknum þegar lítið gekk í sóknarleik Fram og skoraði þá þrjú mörk í röð. Það voru þó bara einu mörk hennar í leiknum. Fyrirliðinn Steinunn Björnsdóttir var traust í vörninni og skoraði einnig þrjú mörk og fiskaði tvö víti. Helena Rut Örvarsdóttir var atkvæðamest hjá Stjörnunni en þurfti 14 skot til að skora sín 6 mörk. Slæm byrjun gerði liðinu nánast ómögulegt að fá eitthvað út úr leik á móti mjög sterku Framliði. Það hjálpaði ekki að þegar þær fundu skotfæri á móti Framvörninni þá var Guðrún Ósk oftast mætt til að verja. Það verður samt að teljast ansi dýrt í fimm marka tapi að klikka fjórum vítum fleiri en andstæðingurinn. Stjörnukonur höfðu unnið sex deildarleiki í röð eins og Framliðið en réðu ekki við öflugt Framlið í dag. Það er samt betra að lenda í svona leik svo snemma á tímabilinu því Garðbæingar hafa nægan tíma til að laga sinn leik þar til að liðin mætast á ný eftir áramót.Steinunn: Markvarslan hefur verið frábær Steinunn Björnsdóttir, fyrirliði Fram, átti flottan leik í dag. „Þetta var gjörsamlega geggjað. Við byrjuðum báða hálfleikana frábærlega og náðum 4-5 marka forskoti sem við héldum,“ sagði Steinunn í samtali við Vísi eftir leik. „Við vorum staðráðnar í að byrja seinni hálfleikinn af krafti. Svo tóku þær leikhlé og þá reyndi á okkur að halda áfram. Það var enginn slæmur kafli í seinni hálfleik.“ Vörn og markvarsla Framliðsins var til mikillar fyrirmyndar og átti stærstan þátt í sigrinum. „Markvarslan hefur verið frábær, sem og vörnin, og það var mjög gott að halda þeim í 22 mörkum. Við höfum haldið liðum í kringum 20 mörk í vetur,“ sagði Steinunn sem er með báða fætur á jörðinni þrátt fyrir að Fram sé komið með fjögurra stiga forskot á toppi Olís-deildarinnar. „Hún þýðir lítið akkúrat núna, það er mikið eftir. Það er frábært að vera með smá forystu á toppnum en við eigum erfiðan leik á þriðjudaginn. Það væri frábært að vinna hann og fara inn í fríið á toppnum,“ sagði Steinunn en Fram mætir Haukum á þriðjudaginn.Rakel Dögg: Töpuðum fyrir betra liði Rakel Dögg Bragadóttir, leikmaður Stjörnunnar, var ósátt með hvernig Garðbæingar byrjuðu leikinn í dag. „Þetta var mjög slök byrjun, bæði í vörn og sókn, og það er erfitt að lenda svona mikið undir á móti liði eins og Fram. Þetta var eltingarleikur allan tímann og þó við höfum komið til baka og komist vel inn í leikinn náðum við aldrei að jafna,“ sagði Rakel. En hvað fór úrskeiðis hjá Stjörnunni í dag? „Við tókum léleg skot. Guðrún [Ósk Maríasdóttir] var auðvitað frábær í markinu en skotin sem við tókum á fyrstu tíu mínútunum voru beint á hana,“ sagði Rakel. „Svo stóðum við ekki vel í vörninni og það eru margir hlutir sem spila inn í. Þessi byrjun gerði okkur klárlega erfitt fyrir. Það er alltaf erfitt að elta og mér fannst við einfaldlega tapa fyrir betra liði.“ Þrátt fyrir að Fram sé komið með fjögurra stiga forskot á toppnum segir Rakel að toppbaráttan sé langt frá því að vera búin. „Mótið er ekki einu sinni hálfnað svo ég ætla ekki að skrifa titilinn á þær. En auðvitað eru þær kandítatar í það og verðskulda það eftir þessa byrjun í haust,“ sagði Rakel og bætti við: „Þetta er langt mót og sterk lið í deildinni þannig að þær geta ekkert slakað á, við getum ekkert slakað á og ætlum að halda áfram að anda ofan í hálsmálið á þeim.“
Olís-deild kvenna Mest lesið Íslenskur doktorsnemi Englandsmeistari: Rannsakar prótín og skorar af línunni í Oxford Sport Lokaumferðin í enska: Newcastle hélt Meistaradeildarsætinu Enski boltinn Aron Pálmarsson leggur skóna á hilluna í sumar Handbolti Uppgjörið: FH - Breiðablik 2-0 | Kraftmiklir Hafnfirðingar kafsigldu Blika Íslenski boltinn Sjáðu mörkin úr endurkomu Vestra og þrumufleyg Hallgríms Íslenski boltinn Uppgjörið: FHL - Þróttur 0-4 | Þróttarar á toppinn eftir stórsigur fyrir austan Íslenski boltinn Aron Einar tók þátt í að binda endi á langa bikarbið Al-Gharafa Fótbolti Bastarður ráðinn til starfa Fótbolti Ítalíumeistararnir að landa De Bruyne Fótbolti Garnacho ekki í hóp Enski boltinn Fleiri fréttir Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið „Við þurfum hjálp frá Guði“ „Við erum með gríðarlega sterka liðsheild“ „Er til eitthvað sem heitir sjöundi gír?“ Uppgjörið: Haukar - Valur 22-29 (0-2) | Skellt í lás í seinni Þjálfari Íslendingaliðsins í veikindaleyfi eftir yfirliðið „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ „Þjáning í marga daga“ Uppgjörið: Valur - Fram 27-28 | Fram Íslandsmeistari í fyrsta sinn í tólf ár Ómar óstöðvandi í sigri Magdeburg Óðinn og félagar einum sigri frá titlinum Þýskaland, Úrúgvæ og Serbía með Íslandi í riðli á HM Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Sjá meira