Vinna í herferðum með Coca-Cola og Disney

Ghostlamp ehf. tæknifyrirtæki hefur þróað nýtt forrit sem gerir þeim kleift að finna áhrifafólk á samfélagsmiðlum, flokka það niður í hópa og gefa því einkunn útfrá áhrifum þeirra á miðlunum.

Forritið tengir svo líklega kúnna og fyrirtæki í samfélaginu en fyrirtæki hafa oft haft það vandamál að finna og tengjast áhrifavöldum á lokuðum samfélagsmiðlum eins og til dæmis Snapchat. Hvort sem það er til þess að efla vöru, viðburð, fyrirtækið í heild eða byrja markaðssamstarf yfir langt tímabil. 

Ghostlamp tengir saman líka huga og kemur upp samstarfi við fyrirtæki og áhrifafólk á samfélagsmiðlum, segir í tilkynningu. Jón Bragi Gíslason stofnandi og framkvæmdastjóri fyrirtækisins segir að framtíð markaðsmála fyrirtækja og tækifæri fyrir unga áhrifavalda sé í forritum eins og Ghostlamp. 

„Það besta við Ghostlamp er að við finnum fólk sem elskar vöruna þína. Öll umfjöllun verður einlæg og áhrifavaldurinn fær frelsi til að gera það sem hann vill á sínum samfélagsmiðlum í samstarfi við fyrirtæki. Fyrirtækin einfaldlega fylla út herferðarskjalið horfa svo á nákvæmar niðurstöður birtast í rauntíma á meðan áhrifavaldarnir birta efni á samfélagsmiðlunum.”

Ghostlamp var stofnað í apríl 2014 í Reykjavík og er nú þegar að vinna í herferðum með nokkrum af stærstu keðjum heims sem sagt Coca-Cola, McDonalds, Nissan og Disney.

Með yfir eina milljón áhrifafólks á samfélagsmiðlum á skrá og í stöðugri aukningu gerir það Ghostlamp að einni stærstu gagnaveitu yfir áhrifafólk í heiminum. Með einföldu útfyllingar skjali gerir Ghostlamp fyrirtækjum kleift að setja upp samfélagsmiðlaherferðir á nokkrum mínútum inná ghostlamp.com. Kerfið sér svo um að finna, ráða og greiða áhrifafólki fyrir að gerast talsmenn fyrirtækjanna í herferðum sem fanga athygli milljónir áhorfenda.