Ísraelski ferðamaðurinn sem lést við Svínafellsjökul á sunnudaginn virðist hafa hrasað eða misstigið sig sem leiddi til þess að hann féll um átta metra. Hann var ásamt um tuttugu samlöndum sínum á ferð um landið og var á göngu á stíg um 300 metra frá bílastæðinu. Hann var úrskurðaður látinn á staðnum að sögn Þorgríms Óla Sigurðssonar, aðstoðaryfirlögregluþjóns hjá lögreglunni á Suðurlandi.
Lík mannsins verður krufið áður en það verður sent til Ísrael. Utanríkisráðuneyti Ísraels hefur verið í samskiptum við sendiráð sitt í Noregi vegna þessa. Maðurinn var 65 ára gamall að því er fram kemur í ísraelskum fjölmiðlum.
Missteig sig og hrapaði átta metra
Tengdar fréttir
Lést þegar hann féll fram af klettum við Svínafellsjökul
Maðurinn hluti af hóp á ferð um landið.
Maðurinn sem lést var frá Ísrael
Ferðamaðurinn sem lést þegar hann féll fram af klettum við vestanverðan Svínafellsjökull á öðrum tímanum í gær var 65 ára gamall Ísraelsmaður.
