Neymar með tvö mörk í öruggum sigri Börsunga | Sjáið mörkin

Barcelona er í frábærum málum í sínum riðli í Meistaradeildinni eftir öruggan 3-0 heimasigur á BATE Borisov í 4. umferð riðlakeppninnar í kvöld.

Neymar var maðurinn á bak við sigurinn en hann skoraði tvö mörk sjálfur og lagði síðan upp þriðja markið fyrir Luis Suárez.

Barcelona er með tíu stig af tólf mögulegum og hefur fimm stiga forskot á liðið í öðru sætinu (Roma) og sex stiga forskot á þýska liðið Bayer Leverkusen sem er í þriðja sætinu.

Bayer Leverkusen á enn möguleika á því að ná Barcelona en það þarf mikið að gerast til að Börsungar missi af sæti sínu í sextán liða úrslitunum enda þarf liðið bara eitt stig í viðbót til að tryggja sig endanlega.

Munir kom inn á sem varamaður fyrir Ivan Rakitic á 20. mínútu og hann fiskaði víti á 30. mínútu. Neymar fór á punktinn, skoraði af öryggi og kom Barcelona í 1-0.

 

Luis Suárez kom Barcelona í 3-0 á 60. mínútu eftir að hafa fengið sendingu frá Neymar og þakkaði síðan fyrir það með því að leggja upp þriðja markið fyrir Neymar á 82. mínútu.

Neymar skorar fyrir Barcelona Luis Suárez kemur Barca í 2-0 Þriðja mark Börsunga á móti Bate