Viðskipti innlent

Bein útsending: Seðlabankinn skýrir frá vaxtaákvörðun sinni

ingvar haraldsson skrifar
Már Guðmundsson skýrir frá vaxtaákvörðun peningastefnunefndar.
Már Guðmundsson skýrir frá vaxtaákvörðun peningastefnunefndar. vísir/vilhelm
Peningastefnunefnd Seðlabankans hefur ákveðið að halda stýrivöxtum óbreyttum í 5,5 prósent. Á fundi sem hófst klukkan tíu mun Már Guðmundsson seðlabankastjóri skýra frá vaxtaákvörðun bankans.

Fundinn má sjá í beinni útsendingu í spilaranum hér að neðan.

Peningastefnunefndin bendir á að verðbólga sé enn undir verðbólgumarkmiði Seðlabankans, sérstaklega ef litið er framhjá húsnæðislið vísitölu neysluverðs. Verðbólga hefur þar að auki aukist hægar en gert var ráð fyrir í síðustu verðbólguspá bankans. Kemur fram í tilkynningu að það stafi að nokkru leyti af hærra gengi krónu þó sveiflukenndir liðir eigi þar einnig hlut að máli. 



Peningastefnunefndin segir að aukist verðbólga í framhaldi af kjarasamningum svipað og spár benda til mun peningastefnunefndin þurfa að hækka vexti frekar eigi verðbólgumarkmiðið að nást til lengri tíma litið. Hve mikið og hve hratt ræðst af framvindunni og því hvernig greiðist úr þeirri óvissu sem nú er til staðar. Sterkari króna og alþjóðleg verðlagsþróun hefur gefið svigrúm til að hækka vexti aðeins hægar en áður var talið nauðsynlegt en breytir ekki þörf fyrir aukið aðhald á næstu misserum. Vaxtaferillinn mun einnig ráðast af því hvort öðrum stjórntækjum verður beitt til þess að halda aftur af eftirspurnarþrýstingi á komandi misserum,“ segir í tilkynning frá Seðlabankanum.



Þá hefur peningastefnunefnd einnig ákveðið að hækka bindiskyldu úr 2 prósentum í 4 prósent frá og með 21. október þegar næsta bindiskyldutímabil hefst.

Fundurinn hófst klukkan tíu og má sjá í spilaranum hér að neðan.



Mest lesið


Fleiri fréttir

Sjá meira


×

Mest lesið