Það var mikil spenna í leikjum næturinnar í NBA-deildinni.
Meistarar San Antonio Spurs tóku 3-2 forskot í einvígi sínu gegn LA Clippers með því að sigra í Staples Center í nótt.
Hinn síungi Tim Duncan, leikmaður San Antonio, var með tvöfalda tvennu, skoraði 21 stig og tók 11 fráköst, í sigrinum mikilvæga í nótt. Spurs getur klárað einvígið á heimavelli í næsta leik. Blake Griffin stigahæstur hjá Clippers með 30 stig.
James Harden skoraði 28 stig fyrir Houston og Dwight Howard tók 18 fráköst er Houston vann sitt fyrsta einvígi í úrslitakeppni NBA-deildarinnar síðan 2009.
Úrslit (staðan í einvíginu):
Houston-Dallas 103-94 (4-1)
LA Clippers-San Antonio Spurs 107-111 (2-3)
Houston afgreiddi Dallas og meistararnir í bílstjórasætið
