Hæstiréttur sýknar Íslandsbanka af kröfum Jakobs Valgeirs ehf

Hæstiréttur Íslands staðfesti í dag dóm Héraðsdóms Reykjavíkur sem hafði sýknað Íslandsbanka af körfum útgerðarfyrirtækisins Jakobs Valgeirs ehf. Félagið hafði áfrýjað sýknudómi Héraðsdóms Reykjavíkur til Hæstaréttar og krafðist viðurkenningar á því að skuldbindingar fyrirtækisins við Glitni hf. væri í íslenskum krónum en gengistryggðar miðað við gengi erlendra gjaldmiðla.

Málavextir voru þeir að Jakob Valgeir ehf. gerði tvo lánasamninga við Glitni banka hf. hinn 9. október árið 2007 og 23. október sama ár.

Lánasamningurinn sem dagsettur var 9. október var gerður til fimm ára að fjárhæð jafnvirði þremur milljörðum íslenskra króna en lánasamningurinn sem var dagsettur 23. október var gerður til fimm ára að fjárhæð jafnvirði 105 milljónum íslenskra króna.

Jakob Valgeir ehf. byggði dómkröfur sínar á því að óheimilt hefði verið vegna ákvæða í lögum um vexti og verðtryggingu að binda skuldbindingar fyrirtækisins samkvæmt þessum tveimur lánasamningum við gengi erlendra gjaldmiðla. Því til stuðnings var vísað meðal annars í gengsilánadóma Hæstaréttar Íslands frá 16. júní árið 2010 þar sem var komist að þeirri niðurstöðu að í lögum hafi falist bann við því að lán í íslenskum krónum væru verðtryggð með því að binda þau við gengi erlendra gjaldmiðla.

Íslandsbanki byggði sýknukröfu sína aðallega á því að umdeild lán hafi að sönnu verið gild lán í erlendum gjaldmiðlum, en ekki lán í íslenskum krónum bundin ólögmætri gengistryggingu.

Í dómi Hæstaréttar Íslands kemur fram að að þegar textaskýringar lánasamnings tæki ekki af skarið um hvers efnis hann væri hefði dómaframkvæmd Hæstaréttar verið litið til atriða á borð við efndir samnings og hvernig hann hefði að öðru leyti verið framkvæmdur.

Var það mat Hæstaréttar að fyrsta að umrædd lán Íslandsbanka hf. til Jakobs Valgeirs ehf. hefðu verið greidd inn á gjaldeyrisreiknings hins síðar nefndar í svissneskum frönskum var talið að um skuldbindingu í erlendum myntum hefði verið að ræða. Var Íslandsbanki hf. því sýknaður af kröfu Jakobs Valgeirs ehf.

Lesa dóminn hér.