Besta eplakakan

200 g smjör

3 egg

220 g hveiti

220 g sykur

2 tsk vanilla extract eða sykur

1 dl rjómi

2 græn epli

2 msk sykur

1,5 tsk kanill

Aðferð:

1. Flysjið eplin, kjarnhreinsið og skerið í sneiðar. Blandið saman 2 msk af sykri og 1 tsk af kanil, sáldrið yfir eplin og leyfið þeim að liggja í kanilsykrinum í svolitla stund.
   
   
2. Hrærið saman smjör og sykur þar til blandan verður létt og ljós, bætið eggjum saman við einu í einu.
   
   
3. Blandið þurrefnum saman og bætið saman við eggjablönduna. Hellið rjómanum saman við ásamt vanillu.
   
   
4. Smyrjið hringlaga kökuform og hellið deiginu í formið, raðið eplunum ofan á og bakið við 180°C í 40 – 45 mínútur.
   
   
5. Berið fram með þeyttum rjóma eða ís.

Missið ekki af Matargleði Evu öll fimmtudagskvöld á Stöð 2.