Leik Lokeren og Anderlecht frestað vegna ástandsins í Brussel

Leik Lokeren og Anderlecht hefur verið frestað í belgísku úrvalsdeildinni í knattspyrnu en hann átti að fara fram í dag.

Ástæðan er sú að ekki næst að kalla til nægilega marga lögreglumenn til að sinna öryggisgæslu.

Hæsta viðbúnaðarstigi var lýst yfir í Brussel í gærkvöldi og hafa yfirvöld í Belgíu varað við alvarlegri og yfirvofandi hryðjuverkahættu.

Gríðarleg öryggisgæsla er því í Brussel og því ekki hægt að kalla til lögreglumenn á leik Lokeren og Anderlecht.

Sverrir Ingi Ingason, leikmaður Lokeren, tísti um málið fyrir stundu. 

Game postponed tonight , stay safe!

— Sverrir Ingi Ingason (@SverrirIngi) November 21, 2015