Innlent

Farþegi bifreiðarinnar úrskurðaður látinn á vettvangi

Stefán Ó. Jónsson skrifar
Banaslys varð á Suðurlandsvegi við ána Klifanda skammt austan Péturseyjar laust eftir klukkan 15 í dag.

Fjórir erlendir ferðamenn voru í bifreiðinni og var farþegi bifreiðarinnar úrskurðaður látinn á vettvangi. Ökumaður slasaðist alvarlega og var fluttur með þyrlu Landhelgisgæslunnar að Bráðamóttöku Landspítalans í Fossvogi og er líðan hans eftir atvikum.

Meiðsli annarra farþega eru minni.

Tildrög slyssins eru óljós en lögreglumenn á Suðurlandi vinna að rannsókn á vettvangi. Áfram má búast við umferðartöfum við slysavettvanginn.

Frekari upplýsingar eru ekki veittar að svo stöddu. Þetta kemur fram í fréttatilkynningu frá lögreglunni á Suðurlandi.

Ferðamennska á Íslandi

Tengdar fréttir

Mest lesið


Fleiri fréttir

Sjá meira


×

Mest lesið