Fjöldi þingmanna fyrirsjáanlega í atvinnuleit

Ásmundur Einar, Elín Hirst, Helgi Hjörvar og Guðmundur Steingrímsson eru meðal þeirra þingmanna sem ættu að huga að nýju Curriculum Vitae, stofna LinkedIn-reikning og setja sig í samband við ráðningarskrifstofur.

Ef niðurstaðan í næstu kosningum verður samkvæmt því sem sýndi sig í nýrri Gallupkönnun fjúka af þingi 23 þingmenn, sem liðlega einn þriðji alls þingmannaliðsins. Engin smávægileg breyting og víst að reyna mun mjög á hið meinta samtryggingarkerfi stjórnmálamanna. Spyrja má: Hversu lengi getur utanríkisþjónustan tekið við uppgjafa pólitíkusum?

Gunnar Smári Egilsson blaðamaður er áhugamaður um kosningar, kosningakerfið og stærðfræðingur ágætur. Hann bauð vinum sínum á Facebook upp á athyglisverðan samkvæmisleik í gær; samantekt á breytingum á þingmannaliði í ljósi nýrrar skoðanakönnunar.

Ýmsir eðlilegir fyrirvarar

Gunnar Smári veitti Vísi góðfúslegt leyfi til að vitna í samantekt sína, en vissulega verður að gera ýmsa fyrirvara.

Aðferðin sem hann notar er að deila hlutfalli hvers flokks úr síðustu könnun Gallup í heildaratkvæðamagn 2013 og deila því svo út eftir því hvernig atkvæði hvers flokks skiptust milli kjördæma í þeim kosningum. Og til þess ber að líta að framboðslistarnir eru þeir sömu, fyrir utan þá sem hafa dáið eða hætt á þingi.

Spurningin er sem sagt þessi: „Hverjir myndu taka sæti á Alþingi Íslendinga ef niðurstöður kosninga yrðu samkvæmt nýrri skoðanakönnun Gallup, atkvæði flokkanna skiptust milli kjördæma með sama hætti og í síðustu kosningum og flokkarnir biðu fram óbreytta lista frá kosningunum 2013.“

Gunnar Smári segir að ekki sé líklegt að þetta gangi eftir, en þó gefur þetta ágæta mynd af stöðunni eins og hún blasir við á hinum flokkapólitíska landslagi. Píratarnir hafa verið að mælast með himinskautum í skoðanakönnunum og virðist þar ekkert lát á. Þetta þýðir að þeir verða fleiri á næsta þingi en þrír. Sem jú, þýðir að aðrir verða að víkja.

Framsóknarmenn fjúka af þingi

Fjöldinn allur af nýjum þingmönnum kemur inn, en eðli málsins eru þeir ekki eins þekktir og þeir sem ættu að velta fyrir sér því að uppfæra ferilsskrá sína og jafnvel skjóta henni inná næstu atvinnumiðlun. Það er til marks um hversu nærri er gengið þingmannaliðinu að meira að segja einn ráðherra flokksins dettur af þingi. Sigrún Magnúsdóttir er reyndar ekkert unglamb og hún hefur sennilega engar áhyggjur af ástandinu á vinnumarkaði; ellilífeyririnn er vel tryggður.

Mest breyting verður á þingmannaliði Framsóknarflokksins, þingmannaliðið verður vart svipur hjá sjón: Þeir sem falla af þingi eru Ásmundur Einar Daðason, Elsa Lára Arnardóttir, Jóhanna María Sigmundsdóttir, Höskuldur Þórhallsson, Líneik Anna Sævarsdóttir, Þórunn Egilsdóttir, Silja Dögg Gunnarsdóttir, Páll Jóhann Pálsson, Haraldur Einarsson, Willum Þór Þórsson, Þorsteinn Sæmundsson, Karl Garðarsson og Sigrún Magnúsdóttir.

Eins og sjá má eru þarna ýmsir þungavigtarmenn flokksins sem þurfa að fara að horfa í kringum sig eftir nýjum atvinnutækifærum; ráðherra og þingflokksformaður. Sagan kennir okkur að Framsóknarflokkurinn hefur haft lag á að rísa úr öskustónni á síðustu stundu; þeir koma yfirleitt betur út úr kosningum en skoðanakannanir gefa til kynna. En, hér er ekki um það spurt.

Þingmannalið Bjartrar framtíðar hverfur

Þótt Björt framtíð tapi minna fylgi en Framsókn þá þurrkast þingflokkurinn út þar sem flokkurinn nær ekki yfir 5 prósenta markið. Óttarr Proppé, Guðmundur Steingrímsson, Róbert Marshall, Brynhildur Pétursdóttir, Björt Ólafsdóttir og Páll Valur Björnsson falla öll af þingi.

Sjálfstæðismenn tapa tveimur mönnum, fara út 19 þingmönnum í 17. Elín Hirst og Birgir Ármannsson falla af þingi en aðrir halda sætum sínum.

Samfylkingin tapar líka tveimur mönnum, fara úr 9 þingmönnum í 7. Helgi Hjörvar og Valgerður Bjarnadóttir falla af þingi. Samfylkingin hefur verið í frjálsu falli í skoðanakönnunum en ástæðan fyrir því að þeir eru ekki fleiri er einfaldlega sú að þeir riðu ekki feitum hesti frá síðustu kosningum; það er ekki af miklu að taka.

Samantekt Gunnars Smára öll

Ekki nokkur áhugamaður um íslensk stjórnmál ætti að láta ítarlega samantekt Gunnars Smára fram hjá sér fara. Ljóst er að fjöldi þekktra þingmanna fjúka af þingi og nýjir koma inn. Líkast til margir sem aldrei hafa svo mikið sem velt fyrir sér þeim möguleika að þingmennska eigi hugsanlega fyrir þeim að liggja.

Norðurland vestra

Þingmenn Norðurlands vestra yrðu: Einar K. Guðfinnsson (D), Hildur Sif Thorarensen (P), Gunnar Bragi Sveinsson (B), Haraldur Benediktsson (D), Herbert Snorrason (P), Ólína Þorvarðardóttir (S), Lilja Rafney Magnúsdóttir og uppbótarþingmaðurinn Guðrún Ágústa Þórdísardóttir (P). Ásmundur Einar Daðason (B), Elsa Lára Arnardóttir (B) og Jóhanna María Sigmundsdóttir (B) féllu af þingi.

Þrír Píratar inn og þrír Framsóknarmenn út á Norðurlandi vestra. Engin breyting á hlutfalli kynja; fjórir karlar og fjórar konur.

Þingmenn Norðurlands eystra yrðu: Aðalheiður Ámundadóttir (P), Kristján Þór Júlíusson (D), Steingrímur J. Sigfússon (VG), Sigmundur Davíð Gunnlaugsson (B), Þórgnýr Thoroddsen (P), Valgerður Gunnarsdóttir (D), Kristján Möller (S), Bjarkey Gunnarsdóttir (VG), Helgi Laxdal (P) og uppbótarþingmaðurinn Edward H. Huijbens (VG). Þessi falla af þingi: Höskuldur Þórhallsson (B), Líneik Anna Sævarsdóttir (B), Þórunn Egilsdóttir (B) og Brynhildur Pétursdóttir (BF).

Þrír Framsóknarmenn og einn frá Bjarti framtíð falla út en þrír Píratar og einn frá VG koma inn í staðinn. Tveimur fleiri konur falla út en koma inn. Á eftir verða aðeins þrjár konur á móti sjö körlum í Norðurlandi eystra.

Suðurkjördæmi

Þingmenn Suðurkjördæmis yrðu: Smári McCarthy (P), Ragnheiður Elín Árnadóttir (D), Halldór Berg Harðarson (P), Sigurður Ingi Jóhannsson (B), Unnur Brá Konráðsdóttir (D), Björn Þór Jóhannesson (P), Ásmundur Friðriksson (D), Svafar Helgason (P), Oddný Harðardóttir (S) og uppbótarþingmaðurinn Vilhjálmur Árnason (D). Þau sem missa þingsæti sitt eru Silja Dögg Gunnarsdóttir (B), Páll Jóhann Pálsson (B), Haraldur Einarsson (B) og Páll Valur Björnsson (BF).

Þrír framsóknarmenn og einn frá Bjartri framtíð detta út en fjórir Píratar koma inn í staðinn. Allir Píratarnir eru karlar og því fækkar konum um eina. Frá Suðurlandi koma sjö karlar en aðeins þrjár konur.

Suðvesturkjördæmi

Þingmenn Suðvesturkjördæmis yrðu: Birgitta Jónsdóttir (P), Bjarni Benediktsson (D), Björn Leví Gunnarsson (P), Ragnheiður Ríkarðsdóttir (D), Hákon Einar Júlíusson (P), Árni Páll Árnason (S), Jón Gunnarsson (D), Árni Þór Þorgeirsson (P), Eygló Harðardóttir (B), Ögmundur Jónasson (VG), Vilhjálmur Bjarnason (D) og uppbótarþingmennirnir Berglind Ósk Bergsdóttir (P) og Katrín Júlíusdóttir (S).

Þau sem falla af þingi eru Willum Þór Þórsson (B), Guðmundur Steingrímsson (BF), Þorsteinn Sæmundsson (B) og Elín Hirst (D). Tveir Framsóknarmenn, einn frá Bjartri framtíð og einn sjálfstæðismaður fara út en fjórir Píratar koma inn í kraganum. Óbreytt hlutfall kynja: fimm konur og átta karlar.

Reykjavík suður

Þingmenn Reykjavíkur suður yrðu: Ásta Helgadóttir (P), Hanna Birna Kristjánsdóttir (D), Sigurbjörg Erla Egilsdóttir (P), Sigríður Fossberg Thorlacius (P), Svandís Svavarsdóttir (VG), Guðlaugur Þór Þórðarson (D), Sigríður Ingibjörg Ingadóttir (S), Arnaldur Sigurðsson (P), Birkir Fannar Einarsson (P) og uppbótarþingmennirnir Vigdís Hauksdóttir (B) og Sigríður Á. Andersen (D).

Þau sem falla af þingi eru Róbert Marshall (BF), Karl Garðarsson (B), Helgi Hjörvar (S) og Óttarr Proppé (BF). Tveir þingmenn Bjartrar framtíðar, einn frá Framsókn og einn frá Samfylkingunni víkja fyrir fjórum Pírötum. Konum fjölgar hér um tvær. Frá Reykjavíkur suður koma átta konur en aðeins þrír karlar.

Reykjavík norður

Þingmenn Reykjavíkur norður yrðu: Helgi Hrafn Gunnarsson (P), Halldóra Mogensen (P), Illugi Gunnarsson (D), Katrín Jakobsdóttir (VG), Bjarni Rúnar Einarsson (P), Salvör Kristjana Gissurardóttir (P), Össur Skarphéðinsson (S), Brynjar Níelsson (D), Þórður Sveinsson (P) og uppbótarþingmennirnir Frosti Sigurjónsson (B) og Steinunn Þóra Árnadóttir (VG).

Þau sem falla af þingi eru Björt Ólafsdóttir (BF), Sigrún Magnúsdóttir (B), Birgir Ármannsson (D) og Valgerður Bjarnadóttir (S). Út fer einn frá hverjum; Bjartri framtíð, Sjálfstæðisflokki, Framsókn og Samfylkingunni fyrir fjóra Pírata. Konum fækkar um eina og eftir standa sjö karlar og fjórar konur.

Breytingar mestar hjá Pírötum

Breytingar á þingliði flokkanna verða mestar hjá Pírötum. Þingflokkurinn fer úr þremur þingmönnum í 25 þingmenn. Birgitta, Helgi Hrafn og Ásta Helgadóttir halda sætum sínum en ný á þingi yrðu (miðað við framboðslista 2013):

Hildur Sif Thorarensen, Herbert Snorrason og Guðrún Ágústa Þórdísardóttir frá Norðurlandi vestra. Aðalheiður Ámundadóttir, Þórgnýr Thoroddsen og Helgi Laxdal frá Norðurlandi eystra. Smári McCarthy, Halldór Berg Harðarson, Björn Þór Jóhannesson og Svafar Helgason af Suðurlandi. Björn Leví Gunnarsson, Hákon Einar Júlíusson, Árni Þór Þorgeirsson og Berglind Ósk Bergsdóttir úr kraganum. Sigurbjörg Erla Egilsdóttir, Sigríður Fossberg Thorlacius, Arnaldur Sigurðsson og Birkir Fannar Einarsson úr Reykjavík suður. Og Halldóra Mogensen, Bjarni Rúnar Einarsson, Salvör Kristjana Gissurardóttir og Þórður Sveinsson úr Reykjavík suður.

Framsókn tapar mestu

Sá flokkur sem tapar mestu er Framsókn. Flokkurinn hefur nú 19 þingmenn en fengi aðeins sex, missti 13 þingmenn.

Þingflokkur Framsóknar yrði Gunnar Bragi Sveinsson, Sigmundur Davíð Gunnlaugsson, Sigurður Ingi Jóhannsson, Eygló Harðardóttir, Vigdís Hauksdóttir og Frosti Sigurjónsson — einn framsóknarmaður úr hverju kjördæmi.

Þeir sem falla af þingi eru Ásmundur Einar Daðason, Elsa Lára Arnardóttir, Jóhanna María Sigmundsdóttir, Höskuldur Þórhallsson, Líneik Anna Sævarsdóttir, Þórunn Egilsdóttir, Silja Dögg Gunnarsdóttir, Páll Jóhann Pálsson, Haraldur Einarsson, Willum Þór Þórsson, Þorsteinn Sæmundsson, Karl Garðarsson og Sigrún Magnúsdóttir.

Björt framtíð þurrkast út

Þótt Björt framtíð tapi minna fylgi en Framsókn þá þurrkast þingflokkurinn út þar sem flokkurinn nær ekki yfir 5% markið. Óttarr Proppé, Guðmundur Steingrímsson, Róbert Marshall, Brynhildur Pétursdóttir, Björt Ólafsdóttir og Páll Valur Björnsson falla öll af þingi.

Sjálfstæðismenn tapa tveimur mönnum, fara út 19 þingmönnum í 17. Elín Hirst og Birgir Ármannsson falla af þingi en aðrir halda sætum sínum.

Samfylking tapar tveimur

Samfylkingin tapar líka tveimur mönnum, fara úr 9 þingmönnum í 7. Helgi Hjörvar og Valgerður Bjarnadóttir falla af þingi.

Vinstri hreyfingin – grænt framboð vinnur einn mann; fer úr sjö manna þingflokki í 8 þingmenn. Nýi þingmaðurinn kemur inn sem uppbótarþingmaður í Norðurlandi eystra og heitir Edward H. Huijbens. Það skal þó ítrekað að það nægir að hósta aðeins á þessar niðurstöður til að þessi þingmaður VG kæmi inn í einhverju allt öðru kjördæmi.

Hér er smá samkvæmisleikur. Hverjir myndu taka sæti á Alþingi Íslendinga ef niðurstöður kosninga yrðu samkvæmt nýrri sko...

Posted by Gunnar Smári Egilsson on 2. nóvember 2015