Íhugar að senda vopn til stjórnarhersins í Úkraínu

Bandaríkjastjórn íhugar nú að senda vopn til stjórnarhersins í Úkraínu til þess að hjálpa honum í baráttunni við aðskilnaðarsinna í austurhluta landsins.

Engin ákvörðun mun hafa verið tekin í málinu en talskona þjóðaröryggisráðs Bandaríkjanna, Bernadette Meehan, segir að Bandaríkjamenn séu sífellt að meta stöðuna í Úkraínu.

Átökin í austurhlutanum hafa magnast mjög síðustu vikur en allt í allt hafa rúmlega fimmþúsund manns farist frá því deilurnar hófust.

Obama Bandaríkjaforseti hefur ávallt verið andvígur því að senda Úkraínumönnum vopn en nú viðist annað hljóð vera komið í strokkinn.