Kynningu stöðugleikaframlags frestað

Kynning sem fyrirhuguð var í dag klukkan 10 á stöðugleikaskilyrðum og nauðasamningum þrotabúa föllnu bankanna hefur verið frestað.

Þetta kemur fram í tilkynningu frá Seðlabanka Íslands en kynningin átti að vera samhliða útgáfu ritsins Fjármálastöðugleiki. Í tilkynningu bankans kemur fram að útgáfudagur ritsins, dagurinn í dag, hafi verið óheppilegur þar sem ekki hafi tekist að ljúka því samráðs-og kynningarferli „sem reiknað var með að yrði lokið áður en ritið yrði birt.“

Ekki liggur fyrir hvenær ritið verður gefi út og hvenær stöðugleikaskilyrðin verða því kynnt.