Renault vélin uppfærð fyrir Texas

Renault hefur ákveðið að bjóða Red Bull að nota mikið uppfærða vél í bandaríska kappakstrinum um helgina.

Franski vélaframleiðandinn hafði hingað til ekki notað neinn af 12 tækum uppfærsluskömmtum sínum. Ekki hefur fengist staðfest hversu marga skammta Renault hefur notað en talið er að meirihluti þeirra hafi verið notaðir í nýju uppfærsluna.

Ákvörðun um hvort nota skuli nýju vélina er alfarið í höndum Red Bull liðsins. Báðir ökumenn liðsins eru þegar búnir með þær vélar sem þeir mega refsilaust nota á tímabilinu.

Daniel Ricciardo og Daniil Kvyat munu báðir færast aftar á ráslínu eftir tímatökuna í Texas, verði nýja vélin sett í bíla þeirra. Það er því Red Bull sem þarf að meta kosti og galla þess að taka hana í notkun.

Renault hefur ekki boðið Toro Rosso uppfærsluna til afnota í keppninni í Texas. Ástæðan er sú varahlutir í hana eru af skornum skammti.

Uppfærslan snýr að vélarblokkinni sjálfri og túrbínunni. Markmiðið er auðvitað að auka aflið og minnka aflmuninn sem er á milli Renault annars vegar og Ferrari og Mercedes hins vegar.