Veiðimenn skutu tvo elgi í dýragarði

Hópur veiðimanna að veiðum í norðurhluta Noregs skutu óvart tvo elgi í gegnum girðingu dýragarðs. Skömmu eftir á áttuðu þeir sig á því en sögðust ekki hafa vitað um að dýragarð hefði verið að ræða. Stjórnandi Polar Park dýragarðsins segir málið ótrúlegt.

Í dýragarðinum má finna elgi, fjallaljón og jafnvel úlfa. En dýragarðurinn er látinn falla inn í náttúruna, en það virðist hafa virkað einum of vel.

Veiðimennirnir voru með sérþjálfaða hunda, en einn þeirra komst undir girðinguna að búri elgjanna og benti veiðimönnunum á eitt dýr. Dýrið var skotið til bana, en kúlan fór í gegnum það í og maga annars dýrs sem þurfti að aflífa.

Lögreglan segir að um heimamenn hafi verið að ræða og að þeir hafi verið yfirheyrðir vegna málsins. Þeir verða lögsóttir fyrir brot á veiðilögum. Dýragarðurinn ætlar ekki að höfða mál gegn veiðimönnunum, en hefur farið fram að þeir borgi fyrir mistök sín. Einn elgur er talinn vera um 450 þúsund króna virði.