Vilja upplýsingar vegna hausaþurrkunar

Bæjarstjórn Akraness óskar eftir ítarlegri upplýsingum vegna lyktar frá hausaþurrkun HB Granda. Bæjarstjórnin vill vita hvernig fyrirtækið ætlar að sporna gegn lyktarmengun frá tveimur hausaþurrkunum sem HB Grandi rekur á Akranesi. Samkvæmt núverandi deiliskipulagi er fyrirtækinu heimilt að þurrka 170 tonn á viku, en búið er að sækja um breytingu svo hægt verði að þurrka 500 til 600 tonn á viku.

Í tilkynningur frá Akrakeskaupstað segir að áður en afstaða sé tekin til umsóknarinnar verði upplýsingar að vera fyllri.

„Það á við um möguleg áhrif starfseminnar, búnað og aðferðir sem gert er ráð fyrir að nota við vinnsluna til að lágmarka grenndaráhrif, einkum lyktarmengun. Það á jafnframt við um viðbrögð við slíkri mengun í ljósi þess að íbúar í nágrenninu kvarta undan lyktarmengun.“