Fatlað fólk á rétt til þess að stjórna sínu lífi

KYNNING: Öryrkjabandalag Íslands skorar þessa dagana á íslensk stjórnvöld að fullgilda samning Sameinuðu þjóðanna um réttindi fatlaðs fólks, eigi síðar en á haustþingi 2015.

Samningurinn er leiðarvísir að því hvernig tryggja skal fötluðu fólki mannréttindi og tækifæri til jafns við aðra í lífinu og gera því þannig kleift að vera virkir þátttakendur í samfélaginu. 151 land hefur fullgilt samninginn. Einungis fjögur Evrópulönd eiga eftir að fullgilda hann, Finnland, Írland, Holland og Ísland.

Íslendingar er hvattir til að skrifa undir áskorun til stjórnvalda á síðunni obi.is/askorun.

Öryrkjabandalagið hefur látið gera myndbönd til að styðja við áskorunina og fjallar myndbandið hér að ofan um sambýli.

Sambýli

Í samningi Sameinuðu þjóðanna um réttindi fatlaðs fólk segir:

Fatlað fólk á rétt til þess að stjórna sínu lífi, taka eigin ákvarðanir, geta valið hvar það býr og með hverjum og fá aðstoð á sínum forsendum.

Fatlað fólk hefur í mörgum tilvikum ekki annað val en að búa á sambýlum þar sem það þarf iðulega að láta að stjórn starfsfólks og þeirra reglna og hefða sem þar eru og fær þar af leiðandi ekki að stjórna sínu lífi.