Tískuvikan í New York: Tommy kom aftur með sumarið

Það er óhætt að segja að bandaríski fatahönnuðurinn Tommy Hilfiger hafi komið með sumarið aftur til New York þegar hann sýndi vor-og sumarlínu sína fyrir næsta ár á tískuvikunni í New York. 

Tískupallurinn var eins og strönd umvafin vatni sem fyrirsæturnar hoppuðu út í og léku listir sínar fyrir áhorfendur. Gleðin endurspeglaðist í línunni sem var litaglöð og hressandi í haustmyrkrinu.

Það má segja að við sem ætlum að taka tískuspádóma Tommy Hilfiger fyrir næsta vor og sumar alvarlega ættum að taka fram heklunálina, já eða prjónana, og búa til allt frá peysum í töskur og fylgihluti. Ljóst gallaefni og litríkar buxnadragtir sem og síðir kjólar sem smellpassa yfir bikiníið þegar sólin fer að hækka á nýjan leik. 

Hér kemur brot af því besta frá Tommy Hilfiger af tískupöllunum í gær: 

 

We made a splash! A great end to a great show. So proud of everyone. -TH #TommySpring16 #NYFW #InstaShootSS16

A video posted by Tommy Hilfiger (@tommyhilfiger) on Sep 14, 2015 at 11:20am PDT