115 milljónum safnað hjá Karolina Fund Sæunn Gísladóttir skrifar 17. september 2015 11:45 Fundurinn í morgun var vel sóttur í húsnæði Íslandsbanka úti á Granda. Vísir/GVA Í morgun stóð Íslandsbanki fyrir fundinum Steðjar bönkum ógn af hópfjármögnun? Þar kom meðal annars fram að hópfjármögnun er ört vaxandi og jókst um 167% árið 2014. Í Bretlandi eru bankar farnir að sjá sóknarfæri í að koma að peer to peer lending sem fjárfestar. Á fundinum flutti Ingi Rafn Sigurðsson, framkvæmdastjóri Karolina Fund ávarp, en Helga Valfells, framkvæmdastjóri Nýsköpunarsjóðs, var umræðustjóri. Á síðustu tveimur árum hafa sífellt fleiri sjóðir og fyrirtæki á sviði hópfjármögnunar og annarrar óhefðbundinnar fjármögnunar komið fram á sjónarsviðið. Fyrirtæki á borð við Kickstarter, Indiegogo og Crowdfunder hafa vaxið gríðarlega hratt á stuttum tíma og hafa vakið bankana vestanhafs upp af værum blundi. Hér á Íslandi hefur Karolina Fund verið leiðandi á sviði hópfjármögnunar og eru verkefnin sem þar hafa verið fjármögnuð afar fjölbreytt.77% verkefna ná fjármögnunarmarkmiði Karolina Fund hefur fjármagnað 146 verkefni og hafa 15,638 þátttakendur safnað tæplega 800 þúsund evrum, jafnvirði 115 milljónum króna. „Þetta er þriðji stærsti styrktarsjóður Íslands,“ sagði Ingi Rafn í ávarpi sínu. Hann benti einnig á að 77% af verkefnum Karolina Fund ná takmarki sínu í fjármögnun, sem hann sagði heimsmet í hópfjármögnunarheiminum. Karolina fund veitir persónulega þjónustu og leggur mikið upp úr því að velja vel verkefnin á síðunni og aðstoðar notendur við lýsingu á verkefnum og við aðra liði. Samtímis aukningu í hópfjármögnun hafa svokölluð Peer-to-Peer (P2P) fjármögnunarfyrirtæki einnig látið til sín taka og má þar nefna Lending Club og Prosper í Bandaríkjunum. Endurgreiðslur reynast vera töluvert góðar, jafnvel betri en bankar eru að fá í dag. Í stuttu máli þá virka fyrirtækin sem milliliður um fjármögnun verkefna og fjárfestinga fyrir bæði einstaklinga og fyrirtæki. Vöxtur þeirra hefur verið ævintýralegur og sem dæmi þá hafa ofangreind fyrirtæki samtals haft milligöngu um lánveitingar að andvirði margra milljarða dollara frá stofnun.Aðalatriðið með hópfjármögnun ekki endilega peningur Í erindi sínu vék Ingi Rafn að því að aðalatriðið með hópfjármögnun sé ekki endilega að fá pening. Hann nefndi dæmi um fyrirtækið Brew Dog, sem framleiðir bjór, þar sem þeir sem studdu við hópfjármögnunina voru í raun gangandi auglýsingaskilti og talsmenn verkefnisins, sem var mjög verðmætt.P2P verði orðið mjög almennt eftir 5 árIngi Rafn telur að vöxtur muni halda áfram í geiranum. Hann benti á að P2P lánaþjónusta höfðar til skapandi aðila og minni fyrirtækja sem fá ekki eða vilja ekki taka lán frá banka. Það mætti því að hluta til kalla það banka framtíðarinnar. „Ég held að P2P verði orðið mjög almennt eftir fimm ár. Þannig held ég að markaðurinn sé að fara að vaxa,“ sagði Ingi Rafn.Valdís ætti að fara í hlutafjárhópfjármögnunÍ umræðum á fundinum að máli Inga Rafns loknu voru beindar fram spurningar um framtíð og takmarkanir hópfjármögnunar. Þá var bent á hvað hópfjármögnunarverkefni eru oft staðbundin. Ingi Rafn telur að það sé vegna þess að arðurinn í að fjárfesta í hópfjármögnun felist frekar í upplifun frekar en arðgreiðslum. Hann benti á að hópfjármögnun er góð leið til að tengjast markaðnum. „Ég held til dæmis að ísbúðin Valdís ætti að fara í hlutafjárhópfjármögnun. Ef þú ert að velja mili ísbúða ferðu greninlega þangað sem þú átt hlutafjár. Fyrirtæki sem hafa tengsl við markaðinn með svona hætti ættu að nýta sér það," sagði Ingi Rafn. Hér fyrir neðan má sjá upptöku af fundinum. Hópfjármögnun og P2P lánveitingar - tækifæri eða ógnun fyrir banka? from Íslandsbanki on Vimeo. Mest lesið „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf „Hann eyðileggur alltaf alla stemningu um leið og hann kemur“ Atvinnulíf Reynslubolti í hótelrekstri færir sig um set Viðskipti innlent Nýjum alþjóðaflugvelli á Grænlandi seinkar enn Viðskipti erlent Vilja rannsaka meint samráð með OPEC Viðskipti erlent „Ég nenni ekki að standa í einhverju veseni“ Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent Kann best við sig í háspennunni Samstarf Fleiri fréttir Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Sjá meira
Í morgun stóð Íslandsbanki fyrir fundinum Steðjar bönkum ógn af hópfjármögnun? Þar kom meðal annars fram að hópfjármögnun er ört vaxandi og jókst um 167% árið 2014. Í Bretlandi eru bankar farnir að sjá sóknarfæri í að koma að peer to peer lending sem fjárfestar. Á fundinum flutti Ingi Rafn Sigurðsson, framkvæmdastjóri Karolina Fund ávarp, en Helga Valfells, framkvæmdastjóri Nýsköpunarsjóðs, var umræðustjóri. Á síðustu tveimur árum hafa sífellt fleiri sjóðir og fyrirtæki á sviði hópfjármögnunar og annarrar óhefðbundinnar fjármögnunar komið fram á sjónarsviðið. Fyrirtæki á borð við Kickstarter, Indiegogo og Crowdfunder hafa vaxið gríðarlega hratt á stuttum tíma og hafa vakið bankana vestanhafs upp af værum blundi. Hér á Íslandi hefur Karolina Fund verið leiðandi á sviði hópfjármögnunar og eru verkefnin sem þar hafa verið fjármögnuð afar fjölbreytt.77% verkefna ná fjármögnunarmarkmiði Karolina Fund hefur fjármagnað 146 verkefni og hafa 15,638 þátttakendur safnað tæplega 800 þúsund evrum, jafnvirði 115 milljónum króna. „Þetta er þriðji stærsti styrktarsjóður Íslands,“ sagði Ingi Rafn í ávarpi sínu. Hann benti einnig á að 77% af verkefnum Karolina Fund ná takmarki sínu í fjármögnun, sem hann sagði heimsmet í hópfjármögnunarheiminum. Karolina fund veitir persónulega þjónustu og leggur mikið upp úr því að velja vel verkefnin á síðunni og aðstoðar notendur við lýsingu á verkefnum og við aðra liði. Samtímis aukningu í hópfjármögnun hafa svokölluð Peer-to-Peer (P2P) fjármögnunarfyrirtæki einnig látið til sín taka og má þar nefna Lending Club og Prosper í Bandaríkjunum. Endurgreiðslur reynast vera töluvert góðar, jafnvel betri en bankar eru að fá í dag. Í stuttu máli þá virka fyrirtækin sem milliliður um fjármögnun verkefna og fjárfestinga fyrir bæði einstaklinga og fyrirtæki. Vöxtur þeirra hefur verið ævintýralegur og sem dæmi þá hafa ofangreind fyrirtæki samtals haft milligöngu um lánveitingar að andvirði margra milljarða dollara frá stofnun.Aðalatriðið með hópfjármögnun ekki endilega peningur Í erindi sínu vék Ingi Rafn að því að aðalatriðið með hópfjármögnun sé ekki endilega að fá pening. Hann nefndi dæmi um fyrirtækið Brew Dog, sem framleiðir bjór, þar sem þeir sem studdu við hópfjármögnunina voru í raun gangandi auglýsingaskilti og talsmenn verkefnisins, sem var mjög verðmætt.P2P verði orðið mjög almennt eftir 5 árIngi Rafn telur að vöxtur muni halda áfram í geiranum. Hann benti á að P2P lánaþjónusta höfðar til skapandi aðila og minni fyrirtækja sem fá ekki eða vilja ekki taka lán frá banka. Það mætti því að hluta til kalla það banka framtíðarinnar. „Ég held að P2P verði orðið mjög almennt eftir fimm ár. Þannig held ég að markaðurinn sé að fara að vaxa,“ sagði Ingi Rafn.Valdís ætti að fara í hlutafjárhópfjármögnunÍ umræðum á fundinum að máli Inga Rafns loknu voru beindar fram spurningar um framtíð og takmarkanir hópfjármögnunar. Þá var bent á hvað hópfjármögnunarverkefni eru oft staðbundin. Ingi Rafn telur að það sé vegna þess að arðurinn í að fjárfesta í hópfjármögnun felist frekar í upplifun frekar en arðgreiðslum. Hann benti á að hópfjármögnun er góð leið til að tengjast markaðnum. „Ég held til dæmis að ísbúðin Valdís ætti að fara í hlutafjárhópfjármögnun. Ef þú ert að velja mili ísbúða ferðu greninlega þangað sem þú átt hlutafjár. Fyrirtæki sem hafa tengsl við markaðinn með svona hætti ættu að nýta sér það," sagði Ingi Rafn. Hér fyrir neðan má sjá upptöku af fundinum. Hópfjármögnun og P2P lánveitingar - tækifæri eða ógnun fyrir banka? from Íslandsbanki on Vimeo.
Mest lesið „Katrín Olga, þetta er eingöngu hálftími af þínu lífi“ Atvinnulíf Kínverski risinn sem herjar á evrópska neytendur Viðskipti innlent Að gera ekki algeng mistök sem stjórnandi í fyrsta sinn Atvinnulíf „Hann eyðileggur alltaf alla stemningu um leið og hann kemur“ Atvinnulíf Reynslubolti í hótelrekstri færir sig um set Viðskipti innlent Nýjum alþjóðaflugvelli á Grænlandi seinkar enn Viðskipti erlent Vilja rannsaka meint samráð með OPEC Viðskipti erlent „Ég nenni ekki að standa í einhverju veseni“ Atvinnulíf Hvetja fólk til að taka verðmerkingum í Hagkaup með fyrirvara Viðskipti innlent Kann best við sig í háspennunni Samstarf Fleiri fréttir Bein útsending: „Hvað verður í matinn?“ Skrifuðu undir kaup Landsbankans á TM Reynslubolti í hótelrekstri færir sig um set Icelandair tekur skarpa dýfu niður fyrir útboðsgengi Verðbólgan tekur smá kipp upp á við Wise og Þekking orðin eitt Kínverski risinn sem herjar á evrópska neytendur Sögðu upp 82 starfsmönnum Hvetja fólk til að taka verðmerkingum í Hagkaup með fyrirvara Fjölda fólks sagt upp hjá Icelandair Kaldvík skráð á markað Ofgreiddar lífeyrisgreiðslur nærri tvöfölduðust á milli ára Dæla skyrinu af ísvélum á Skálinni Bein útsending: Framtíð EES til umræðu á þrjátíu ára afmæli Sker úr um hvort veitingamaður hafi mátt borga fyrir kókið Allir halda stjörnu og OTO fær viðurkenningu Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Sjá meira