Fegurðarsamkeppnir fyrir píkur

Ekki er öll vitleysan eins.

Í sumar efndi kynlífstækjaframleiðandi til píkufegurðarsamkeppni.

Keppnin fór fram á netinu og áttu píkur heims að taka mynd af sér og senda inn í samkeppnina með #autoblowvaginabeuatycontest skrifað einhver staðar á myndina. Margar voru mjög sniðugar í þessari merkingu og skrifuðu það á lítinn miða og límdu yfir rassinn á sér.

Það hefði kannski átt að veita aukaverðlaun fyrir frumleika í staðsetningu miðans en svo virðist sem engum hafi dottið í hug að nota bara post-it sem er með líminu á. Kannski bara í næstu keppni.

Markmiðið með þessari keppni var ekki fagna fjölbreytileika heldur að gefa kynlífstækjaframleiðanda tækifæri á að velja píku sem flestir karlar álitu fallegasta (nú eða girnilegasta) svo hann gæti prenta hana út í þrívídd og selt sem kynlífstæki.

Fyrrgreindur framleiðandi sagðist sjálfur kjósa píku með stórum börmum en hann var ekki viss hvort aðrir deildu hans smekk, sérstaklega í ljósi einleits útlits kynfæra í kynlífstækjabransanum (og reyndar oftar en ekki í mörgum klámmyndum).

Afraksturinn má sjá hér. Ef þú smellir á hlekkinn þá sérðu píkur.

Sumar eru á hvolfi, sumar eru með andliti, á sumum sést í rassinn og sumar eru skreyttar en allar eru þær hárlausar.

Það var nefnilega skilyrði að vera hárlaus því annars gat prentarinn stíflast, segir aðstandandi keppninnar.

Ef þig langar að rýna í niðurstöður þessarar keppni á ögn vísindalegri nótunum þá var tekin saman lýsandi tölfræði og má skoða hana og rýna í löndin sem tóku þátt og meðallengd barma, svo fátt eitt sé nefnt.

Dæmi nú hver fyrir sig en líkt og í flestum fegurðarsamkeppnum var útlitið nokkuð einsleitt og byggt á ákveðinni markaðsforskrift.