Valur fær liðsstyrk

Val hefur borist liðsstyrkur í Olís-deild kvenna í handbolta en Nicole Mogensen skrifaði í gær undir samning við félagið. Þetta kemur fram á Facebook-síðu Vals.

Nicole þessi, sem er 26 ára, lék síðast í Danmörku en hún getur leyst allar stöðurnar fyrir utan og kemur til með að styrkja lið Vals sem endaði í 6. sæti Olís-deildarinnar á síðasta tímabili.

Val var einnig spáð 6. sæti í Olís-deild kvenna í árlegri spá þjálfara, fyrirliða og forráðamanna félaganna sem kynnt var í dag.

Valskonur sækja Aftureldingu heim í 1. umferð Olís-deildarinnar á laugardaginn kemur.