Hjálmar og Haukur halda áfram að berjast um toppsætið í Svíþjóð

IFK Göteborg vann góðan sigur, 3-0, á Gefle í sænsku úrvalsdeildinni í knattspyrnu í dag en Hjálmar Jónsson lék allan leikinn fyrir heimamenn í Göteborg.

Emil Salomonsson, Riku Riski og Søren Rieks gerði mörk IFK Göteborg í leiknum.

AIK vann síðan fínan sigur á Aatvidaberg 1 – 0 en Haukur Heiðar Hauksson var allan tímann inn á vellinum fyrir AIK.

IFK Göteborg er í efsta sæti deildarinnar með 47 stig en AIK í því öðru með 45 stig. 

Þá tapaði Kristianstads fyrir Mallbacken, 1-0, í sænsku úrvalsdeildinni í knattspyrnu kvenna en Margrét Lára Viðarsdóttir og Elísa Viðarsdóttir léku báðar allan leikinn fyrir Kristianstads.