Sigurður Þorvaldsson fer ekki með til Eistlands

Íslenska karlalandsliðið í körfubolta heldur utan til Eistlands á morgun þar sem liðið tekur þátt í fjögurra liða móti.

Þar munu strákarnir spila aftur við Holland sem og að spila við heimamenn og landslið Filipseyja. Þetta verður í fyrsta skipti sem Ísland og Filipseyjar mætast á körfuboltavellinum.

Leikirnir hjá okkar mönnum munu fara fram 20., 21. og 22. ágúst. Fyrst er leikið við Eista, svo Holland og loks Filipseyjar.

Fjórtán leikmenn fara utan að þessu sinni og Sigurður Þorvaldsson er hvíldur. Hann mun halda áfram að æfa með liðinu er það kemur til baka.

Hópurinn

Martin Hermannsson, LIU University

Axel Kárason, Svendborg Rabbits

Ragnar Nathanaelsson, Þór Þorlákshöfn

Jakob Örn Sigurðarson, Borås Basket

Sigurður Gunnar Þorsteinsson, Solna Vikings

Hlynur Bæringsson, Sundsvall Dragons

Jón Arnór Stefánsson, Unicaja Malaga

Helgi Már Magnússon, KR

Hörður Axel Vilhjálmsson, Trikala BC

Logi Gunnarsson, Njarðvík

Pavel Ermolinskij, KR

Haukur Helgi Pálsson, LF Basket

Ægir Þór Steinarsson, Sundsvall Dragons

Brynjar Þór Björnsson, KR