Alfreð mættur til Grikklands | Myndir

Alfreð Finnbogason er mættur til Grikklands þar sem hann mun á allra næstu dögum skrifa undir lánssamning við Olympiakos. Alfreð er á leið í læknisskoðun í dag.

Talið er að Alfreð gangist undir læknisskoðun í adg, en hann kemur á láni frá Real Sociedad þar sem hann hefur verið síðastliðið ár.

Að loknum lánssamningnum mun Olympiakos hafa forgangsrétt á að kaupa Alfreð sem náði ekki að sýna sitt rétta andlit í spænska boltanum.

Olympiakos varð meistari í fyrra í Grikklandi, en liðið vann með tólf stiga mun. Þeir munu leika í riðlakeppni Meistaradeildarinnar á næstu leiktíð.

Myndir af komu Alfreðs til Grikklands má sjá hér að neðan, en fjölmiðlar biðu hans á flugvellinum.