Mike Tyson sá Gunnar vinna Thatch og óskaði honum til hamingju

Gunnar Nelson er mikið á milli tannanna á fólki á Twitter í kvöld eftir frábæran sigur á Brandon Thatch á UFC189 í Las Vegas.

Gunnar kýldi Brandon Thatch í gólfið og afgreiddi bardagann með hálstaki í fyrstu lotu.

Mike Tyson, fyrrverandi hnefaleikakappi, er í salnum og sá Gunnar pakka Thatch saman. Hann, eins og fleiri, var ánægður með frammistöðu Gunnars.

Hann skellti sér á Twitter eftir að Thatch gafst upp og óskaði Gunnari Nelson til hamingju og hrósaði Dana White, forseta UFC, fyrir að setja upp annað glæsilegt bardagakvöld.

@UFC @danawhite another awesome line up. Congrats #gunnarnelson

— Mike Tyson (@MikeTyson) July 12, 2015