Channing Tatum og Gísli Pálmi úti að borða á Snaps

Bandaríska kvikmyndastjarnan Channing Tatum situr um þessar mundir að snæðingi á veitingastaðnum Snaps í miðbæ Reykjavíkur. Með í för er rapparinn Gísli Pálmi.

Líkt og greint var frá fyrr í dag er Tatum staddur hér á landi til að skoða jökla ásamt þremur ferðafélögum og verður í um það bil viku. Hinn 35 ára Tatum er meðal annars þekktur fyrir leik sinn í myndunum Magic Mike og 21 Jump Street.

Uppfært klukkan 23:30

Fleiri íslenskir rapparar koma við sögu á fyrsta degi Tatum á Íslandi. Emmsjé Gauti greinir frá því á Twitter að Tatum hafi gengið inn á Prikið með kampavínsflösku í hendi.

Ok Channing Tatum var að labba inná Prikið með kampavínsflösku..

— Emmsjé (@emmsjegauti) May 11, 2015