Guðbjörg skellti í lás sjöunda leikinn í röð

Guðbjörg Gunnarsdóttir og félagar í Lilleström rúlluðu yfir Klepp í norsku úrvalsdeildinni í knattspyrnu, 7-0.

Staðan var orðin 3-0 eftir 23. mínútur og leiknum lokið. Staðan var 4-0 í hálfleik og Lilleström bætti við þremur mörkum í síðari hálfleik.

Þýska landsliðskonan, Isabil Herlovsen, fór á kostum og skoraði fjögur mörk, en Jón Páll Pálmason þjálfar lið Klepp. Katrín Ásbjörnsdóttir leikur með Klepp.

Þetta var sjöundi leikurinn í röð sem Guðbjörg heldur hreinu; sex í deildinni og sjö í bikar, en Lilleström er á toppnum með 18 stig - fullt hús stiga.

Klepp er í öðru sætinu með þrettán stig eftir sex leiki, en þetta er fyrsta tap Klepp á tímabilinu.