Veiði

Húseyjakvísl gaf vel þrátt fyrir erfið skilyrði

Karl Lúðvíksson skrifar
Þorsteinn Stefánsson með flottann sjóbirting úr Húseyjakvísl
Þorsteinn Stefánsson með flottann sjóbirting úr Húseyjakvísl
Húseyjakvísl er ein af skemmtilegri ám til að veiða á vorin en eins og veiðimenn þekkja þá verða menn að vera búnir undir allar tegundir af veðri þegar þeir veiða á þessum árstíma.

Það fengu félagarnir Þorsteinn, Magni, Oliver og Óskar að sannreyna þegar þeir veiddu í ánni fyrir tveimur dögum. "Við fengum allar tegundir af veðri, snjó á degi tvö og mikinn vind. rosalegan vind á degi þrjú og síðan logn og sól á degi fjögur" sagði Þorsteinn Stefánsson þegar við heyrðum í honum eftir þessa eftirminnilegu ferð. " Við vorum í hálfan,heilan,heilan,hálfan. fengum 26 fiska. marga á mili 60 - 70cm og nokkra yfir 70cm. Frábær veiði á flotlínur með sink tip. blackghost aðallega og svo nokkrar heimatilbúnar með hvítu í, Cuntslayer og Píkuslí".

"Rosalega skemmtileg á og geðveikir fiskar,sterkir. frábært veiðihús og við viljum þakka Valgarði Ragnarssyni kærlega fyrir allt, hann stendur rosalega vel að öllu þarna, og á hrós skilið fyrir sína vinnu og afrek þarna . það var eldað læri og kjötsúpu eins og alvöru veiðiferðir eiga að vera" bætir Þorsteinn við. Framundan er frábær tími í ánni og klárt mál að þeir sem eiga daga þarna framundan eiga gott í vændum.

Stangveiði

Mest lesið




×

Mest lesið