Veiði

Hreggnasi semur um Grímsá til 10 ára

Karl Lúðvíksson skrifar
Hreggnasi hefur framlengt leigu á Grímsá
Hreggnasi hefur framlengt leigu á Grímsá Mynd: Hreggnasi FB

Grímsá er ein af vinsælustu laxveiðiám vesturlands og þegar áinn fór í útboð nýlega sást greinilega að það eru margir sem renndu hýru auga til hennar.

Útboðið fór þó þannig að samið var við Hreggnasa sem hefur verið með ánna á leigu í mörg ár og hafa þeir byggt upp stórann hóp viðskiptavina sem halda mikilli tryggð við ánna og sækja hana heim ár eftir ár. Hér fyrir neðan er fréttatilkynning frá Hreggnasa af þessu tilefni:

"Undirritaður hefur verið samningur milli Veiðifélagsins Hreggnasa og Veiðifélags Grímsár og Tunguár til næstu 10. ára. Grímsá og Tunguá eru án efa meðal mestu laxveiðiáa landsins, en samstarf þessara aðila nær allt til ársins 2004 þegar að Hreggnasi tók við sölu veiðileyfa af landeigendum sjálfum. Um er að ræða eitt allra lengsta viðskiptasamband milli leigutaka og veiðifélags á Íslandi.

Grímsá í Borgarfirði hefur langa samfellda sögu stangaveiða, en þær ná aftur til ársins 1862, þegar að enskir veiðimenn fóru að venja þangað komur sínar. Meðalveiði sl. 20 ára eru um 1.300 laxar á ári, en við ána stendur eitt glæsilegasta veiðihús landsins.

Á samningstímanum verður ráðist í verulegar endurbætur á Veiðihúsinu Fossási og aðstaða gerð enn glæsilegri og aukið verður við fiskrækt með margvíslegum hætti."




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.