Veiði

64 sm bleikja úr Hlíðarvatni

Karl Lúðvíksson skrifar
Reynir Friðriksson með 64 sm bleikju úr Hlíðarvatni
Reynir Friðriksson FB

Í gær var Hlíðarvatnsdagurinn haldinn við Hlíðarvatn en þá bjóða veiðifélögin öllum sem áhuga hafa á kynningu á vatninu sem og að gefa þeim sem mæta tækifæri til að veiða í vatninu.

Mætingin var góð í gær og veiðin var ágæt líka en það sem líklega stendur upp úr er rígvæn bleikja sem Reynir Friðriksson landaði en hún var mæld 64 sm og 2,6 kíló að þyngd. Bleikjan tók Black Zulu númer #12 sem er ein af þessum gömlu góðu flugum sem því miður of fáir nota þessi síðustu ár, sem er synd því hún er oft ansi gjöful. Þetta er ein af stærstu bleikjunum sem við höfum heyrt af úr vatninu í sumar en nokkrar 50-60 sm hafa verið að veiðast þar frá opnun og hafa þeir sem þekkja vatnið vel haft á orði að sjaldan hafi sést jafn mikið af vænni bleikju í vatninu og þetta sumarið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.