Varar við innihaldslýsingum: Amman kom þriggja ára barnabarni til bjargar Sunna Kristín Hilmarsdóttir skrifar 20. febrúar 2015 08:25 Glassúrinn sem var innkallaður er frá Kötlu. Lengst til hægri má sjá adrenalínsprautu sem notuð er til að bregðast við bráðaofnæmi. Vísir Þriggja ára stúlka var hætt komin á mánudaginn, bolludag, vegna glassúrs frá Kötlu sem innkallaður var í gær. Telpan, sem er með bráðaofnæmi fyrir eggjum, fékk bollu á leikskólanum sínum með glassúrnum en í honum má finna eggjaduft. Móðir stúlkunnar, Guðfinna Halldórsdóttir, segir að ofnæmið hafi ágerst mjög hratt. „Amma hennar fer að sækja hana á leikskólann og þegar hún kemur er dóttir mín byrjuð að bólgna upp í kringum augun. Ofnæmisviðbrögðin eru þá rétt að koma fram en þau ágerðust mjög hratt. Hún fékk til að mynda mikil útbrot og var bara mjög slöpp,“ segir Guðfinna. Um fimmtán mínútur liðu frá því að amman kom að sækja stúlkuna á leikskólann og þar til hún var búin að gefa henni adrenalínsprautu við ofnæminu. Einnig var hringt strax í 112 og kom sjúkrabíll á leikskólann um fimm mínútum eftir að stúlkan fékk sprautuna. Þá var Guðfinna komin á leikskólann líka. „Við förum með sjúkrabílnum beint upp á bráðamóttöku og þar var mæld súrefnismettun, öndun og blóðþrýstingur. Hún fékk svo sterapúst, það var settur upp leggur og hún fékk meiri ofnæmislyf. Við komum á spítalann um fjögurleytið og fórum heim um ellefu um kvöldið.“Ekki hika við að nota adrenalínpennaÞað sem er svo hættulegt við bráðaofnæmi er að öndunarfærin geta bólgnað upp og lokast. „Dóttir mín hefur það mjög fínt núna en ofnæmið gengur tiltölulega hratt yfir ef það er meðhöndlað réttt. Þó er mikilvægt að hafa í huga að það getur poppað upp aftur um 4-6 klukkustundum seinna. Það þarf því að fylgjast vel með viðkomandi og þess vegna vorum við fram á kvöld á spítalanum,“ segir Guðfinna. Dóttir Guðfinnu hafði aldrei fengið bráðaofnæmi áður en hún segir að það fari ekkert á milli mála þegar slíkt gerist. Hún segir að fólk eigi ekki að óttast að nota adrenalínsprautu, sambærilega þeirri sem notuð var vegna ofnæmis dóttur hennar. „Fólk á ekki að hika við að nota pennann. Það eru mjög góðar leiðbeiningar á honum og dóttir mín fór varla að gráta þegar við notuðum pennann.“Viðurkenndu strax að eggjaduft væri í glassúrnumDaginn eftir fór Guðfinna á leikskólann og fór yfir það ásamt starfsfólkinu hvað dóttir sín hefði borðað. „Ég var alls ekki viss um hvað það gæti verið sem orsakaði ofnæmið. Svo mundi ég reyndar eftir tilfelli með þennan glassúr og að hann hafi verið innkallaður fyrir nokkrum árum vegna þess að ekki var gefið upp í innihaldslýsingu að hann innihéldi eggjaafurðir. Ég hafði svo samband við Kötlu á miðvikudaginn og þeir viðurkenndu þetta strax. Þeir sögðu að þeim þætti þetta mjög leiðinlegt og báðust bara afsökunar enda ekki mikið annað sem þeir gátu gert.“ Guðfinna hafði svo samband við Heilbrigðiseftirlit Reykjavíkur í gær og glassúrinn var innkallaður. Aðspurð um hvað henni finnist um þau vinnubrögð að setja ekki ofnæmisvaldandi efni í innihaldslýsingu segir Guðfinna: „Þetta er náttúrulega bara óásættanlegt og maður verður svo reiður. Það sem er líka sérstaklega alvarlegt í þessu tilfelli er að þetta er að gerast í annað skiptið með nákvæmlega sömu vöru. Mér finnst sem eftirlitsskyldan hafi brugðist.“Mjög algengt að fólk fái ofnæmi vegna lélegra innihaldslýsingaHún segist ekki hafa heyrt af öðrum tilfellum varðandi glassúrinn, annað en það sem kom upp fyrir nokkrum árum, en þó sé mjög algengt að fólk fái ofnæmi vegna þess að mikið skortir upp á innihaldslýsingar. „Stundum vantar algjörlega eitthvað í innihaldslýsinguna sem er ofnæmisvaldandi og stundum eru lýsingarnar ónákvæmar. Ég get tekið dæmi um kanilsnúða. Á umbúðunum stóð að þeir innihéldu smjörlíka. Það stóð hins vegar ekkert um hvað væri í smjörlíkinu. Þegar mamman fór svo að spyrjast fyrir kom í ljós að það var soja í smjörlíkinu og dóttir hennar er með ofnæmi fyrir því.“ Þá nefnir hún einnig bakarí sem dæmi þar sem oft skortir algjörlega allar innihaldslýsingar á vörum sem eru þar til sölu. „Það er mjög mikilvægt að opna þessa umræðu því það skiptir öllu máli að matvæli séu rétt merkt, eins og sýnir sig í þessu tilfelli með dóttur mína.“ Bolludagur Tengdar fréttir Innkalla glassúr Katla ehf. tilkynnir í dag sölustöðvun og innköllun á Glassúr súkkulaði og Glassúr bleikur, merktum Kötlu, vegna ómerkts ofnæmis- og óþolsvalds. 19. febrúar 2015 11:20 Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Ögurstund og opnunarhóf hjá frambjóðendum Innlent Útlagar spreyjaðir gylltir Innlent Framboðslistar opinberaðir eftir helgi Innlent „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Helga Þórisdóttir komin með lágmarksfjölda meðmæla Innlent Pétur Einarsson leikari látinn Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira
Þriggja ára stúlka var hætt komin á mánudaginn, bolludag, vegna glassúrs frá Kötlu sem innkallaður var í gær. Telpan, sem er með bráðaofnæmi fyrir eggjum, fékk bollu á leikskólanum sínum með glassúrnum en í honum má finna eggjaduft. Móðir stúlkunnar, Guðfinna Halldórsdóttir, segir að ofnæmið hafi ágerst mjög hratt. „Amma hennar fer að sækja hana á leikskólann og þegar hún kemur er dóttir mín byrjuð að bólgna upp í kringum augun. Ofnæmisviðbrögðin eru þá rétt að koma fram en þau ágerðust mjög hratt. Hún fékk til að mynda mikil útbrot og var bara mjög slöpp,“ segir Guðfinna. Um fimmtán mínútur liðu frá því að amman kom að sækja stúlkuna á leikskólann og þar til hún var búin að gefa henni adrenalínsprautu við ofnæminu. Einnig var hringt strax í 112 og kom sjúkrabíll á leikskólann um fimm mínútum eftir að stúlkan fékk sprautuna. Þá var Guðfinna komin á leikskólann líka. „Við förum með sjúkrabílnum beint upp á bráðamóttöku og þar var mæld súrefnismettun, öndun og blóðþrýstingur. Hún fékk svo sterapúst, það var settur upp leggur og hún fékk meiri ofnæmislyf. Við komum á spítalann um fjögurleytið og fórum heim um ellefu um kvöldið.“Ekki hika við að nota adrenalínpennaÞað sem er svo hættulegt við bráðaofnæmi er að öndunarfærin geta bólgnað upp og lokast. „Dóttir mín hefur það mjög fínt núna en ofnæmið gengur tiltölulega hratt yfir ef það er meðhöndlað réttt. Þó er mikilvægt að hafa í huga að það getur poppað upp aftur um 4-6 klukkustundum seinna. Það þarf því að fylgjast vel með viðkomandi og þess vegna vorum við fram á kvöld á spítalanum,“ segir Guðfinna. Dóttir Guðfinnu hafði aldrei fengið bráðaofnæmi áður en hún segir að það fari ekkert á milli mála þegar slíkt gerist. Hún segir að fólk eigi ekki að óttast að nota adrenalínsprautu, sambærilega þeirri sem notuð var vegna ofnæmis dóttur hennar. „Fólk á ekki að hika við að nota pennann. Það eru mjög góðar leiðbeiningar á honum og dóttir mín fór varla að gráta þegar við notuðum pennann.“Viðurkenndu strax að eggjaduft væri í glassúrnumDaginn eftir fór Guðfinna á leikskólann og fór yfir það ásamt starfsfólkinu hvað dóttir sín hefði borðað. „Ég var alls ekki viss um hvað það gæti verið sem orsakaði ofnæmið. Svo mundi ég reyndar eftir tilfelli með þennan glassúr og að hann hafi verið innkallaður fyrir nokkrum árum vegna þess að ekki var gefið upp í innihaldslýsingu að hann innihéldi eggjaafurðir. Ég hafði svo samband við Kötlu á miðvikudaginn og þeir viðurkenndu þetta strax. Þeir sögðu að þeim þætti þetta mjög leiðinlegt og báðust bara afsökunar enda ekki mikið annað sem þeir gátu gert.“ Guðfinna hafði svo samband við Heilbrigðiseftirlit Reykjavíkur í gær og glassúrinn var innkallaður. Aðspurð um hvað henni finnist um þau vinnubrögð að setja ekki ofnæmisvaldandi efni í innihaldslýsingu segir Guðfinna: „Þetta er náttúrulega bara óásættanlegt og maður verður svo reiður. Það sem er líka sérstaklega alvarlegt í þessu tilfelli er að þetta er að gerast í annað skiptið með nákvæmlega sömu vöru. Mér finnst sem eftirlitsskyldan hafi brugðist.“Mjög algengt að fólk fái ofnæmi vegna lélegra innihaldslýsingaHún segist ekki hafa heyrt af öðrum tilfellum varðandi glassúrinn, annað en það sem kom upp fyrir nokkrum árum, en þó sé mjög algengt að fólk fái ofnæmi vegna þess að mikið skortir upp á innihaldslýsingar. „Stundum vantar algjörlega eitthvað í innihaldslýsinguna sem er ofnæmisvaldandi og stundum eru lýsingarnar ónákvæmar. Ég get tekið dæmi um kanilsnúða. Á umbúðunum stóð að þeir innihéldu smjörlíka. Það stóð hins vegar ekkert um hvað væri í smjörlíkinu. Þegar mamman fór svo að spyrjast fyrir kom í ljós að það var soja í smjörlíkinu og dóttir hennar er með ofnæmi fyrir því.“ Þá nefnir hún einnig bakarí sem dæmi þar sem oft skortir algjörlega allar innihaldslýsingar á vörum sem eru þar til sölu. „Það er mjög mikilvægt að opna þessa umræðu því það skiptir öllu máli að matvæli séu rétt merkt, eins og sýnir sig í þessu tilfelli með dóttur mína.“
Bolludagur Tengdar fréttir Innkalla glassúr Katla ehf. tilkynnir í dag sölustöðvun og innköllun á Glassúr súkkulaði og Glassúr bleikur, merktum Kötlu, vegna ómerkts ofnæmis- og óþolsvalds. 19. febrúar 2015 11:20 Mest lesið Auglýsa eftir „eiganda“ fjármuna Innlent Trump líklegur til að græða á úrskurði Hæstaréttar Erlent Ögurstund og opnunarhóf hjá frambjóðendum Innlent Útlagar spreyjaðir gylltir Innlent Framboðslistar opinberaðir eftir helgi Innlent „Breiðholt mesta fátæktargildra landsins“ Innlent Sigríði þykir ólíklegt að hún nái undirskriftum Innlent Glæsileg þjóðbúningamessa á Hvolsvelli Innlent Helga Þórisdóttir komin með lágmarksfjölda meðmæla Innlent Pétur Einarsson leikari látinn Innlent Fleiri fréttir Framboðslistar opinberaðir eftir helgi Auglýsa eftir „eiganda“ fjármuna Glæsileg þjóðbúningamessa á Hvolsvelli Ögurstund og opnunarhóf hjá frambjóðendum Forsetaslagurinn, leit að eiganda fjármuna og rjómablíða Fjölbreytt verkefni hjá björgunarsveitum í dag Útlagar spreyjaðir gylltir Helga Þórisdóttir komin með lágmarksfjölda meðmæla Sinueldur í Reykjanesbæ Pétur Einarsson leikari látinn Kólnar á öllu landinu eftir óvenjugóðan fyrsta sumardag „Ákveðnar efasemdir um ákveðna þætti“ Fimm teravött af orku og 20 milljarðar í samgöngur Seltjarnarnesbær gengur frá sölu á Safnatröð Sigríði þykir ólíklegt að hún nái undirskriftum Umdeilt frumvarp, íslenskan og sumarveðrið Eiríkur og Bjarni takast á um nefnd um íslenska tungu Ræða mest málefni íslenskunnar á fundum enskumælandi ráðs Tíu sektaðir vegna notkunar nagladekkja „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Sjá meira
Innkalla glassúr Katla ehf. tilkynnir í dag sölustöðvun og innköllun á Glassúr súkkulaði og Glassúr bleikur, merktum Kötlu, vegna ómerkts ofnæmis- og óþolsvalds. 19. febrúar 2015 11:20