Átján fermetra íbúð til sölu á tæplega þrettán milljónir

Átján fermetra íbúð við Spítalastíg í miðborg Reykjavíkur er til sölu á 12,6 milljónir króna á fasteignavef Vísis.

Húsið er byggt árið 1910 en fasteignamatið er níu milljónir. Fermetraverðið á íbúðinni er því 700.000 krónur.

Sameiginlegur inngangur er með tveimur öðrum inn í íbúðina.

Hún er skráð sem stúdíóíbúð, eitt opið rými ásamt baðherbergi. Parket á gólfi, flísalagt baðherbergi með sturtu. Lítill eldhús krókur með handlaug og skápum.

Í sameign er sér geymsla ásamt sameiginlegu þvottahúsi.