Frábær sigur Færeyja í undankeppni EM

Færeyingar gerður sér lítið fyrir og unnu fyrrum Evrópumeistara Grikki rétt í þessu með tveimur mörkum gegn einu. Þetta er annar sigur Færeyja í undankeppni EM en áður unnu Færeyingar Grikki í Grikklandi.

Hallur Hansson, leikmaður danska liðsins Vendsyssel, kom Færeyjum yfir með laglegu marki í fyrri hálfleik og það var svo Brandur Olsen, leikmaður FC Köbenhavn, sem skoraði annað mark Færeyinga 20 mínútum fyrir leikslok. Sokratis, leikmaður Dortmund, náði að klóra í bakkann fyrir Grikki áður en yfir lauk.

Færeyingar eru því með 6 stig og komust þar með upp fyrir Finnland í 4. sæti F-riðils. Grikkland er hins vegar kyrfilega á botni riðilsins án sigurs og með aðeins 2 stig.