Flottur jakki, Dwight

Meiddir íþróttamenn sem þurfa að sitja á bekknum eða upp í stúku geta samt komist í fjölmiðla.

Þá verða menn að gera eitthvað fyndið eða mæta í hrikalega ljótum jakka. Dwight Howard, leikmaður Houston Rockets, valdi síðari kostinn í leik síns liðs gegn Phoenix.

Þá mætti hann á bekkinn í einhverjum svakalegasta jakka sem hefur sést lengi. Svo ofboðslegur er jakkinn að fjölmiðlar víða um heim hafa séð ástæðu til þess að fjalla um jakkann. Við viljum ekki vera neinir eftirbátar þar.

Spurning hvort þessi jakki sé kominn til að vera eða hvort Dwight mæti í nýjum jakka á næsta leik?