Vísar ásökunum í garð kaupmanna aftur til fjárhúsanna ingvar haraldsson skrifar 2. mars 2015 13:55 Pétur Alan Guðmundsson, kaupmaður í Melabúðinni er ósáttur við ásakanir Sindra Sigurgeirssonar, formanns Bændasamtakanna, í garð kaupmanna. vísir/gva „Ég vísa þessum fullyrðingum aftur til fjárhúsanna,“ segir Pétur Alan Guðmundsson, kaupmaður í Melabúðinni um ásakanir Sindra Sigurgeirssonar, formanns Bændasamtakanna, í garð kaupmanna. Sindri sagði á Búnaðarþingi í gær að kaupmenn væru ekki með hag neytenda í huga þegar þeir töluðu fyrir auknum innflutningi landbúnaðarafurða.Sjá einnig: Segir flest benda til þess að stórkaupmenn hugsi aðeins um eigin hag„Þetta hafa þeir oft gert undir þeim formerkjum að þeir beri hag neytenda fyrir brjósti þrátt fyrir að flest bendi til þess að þeir séu að aðeins að hugsa um eigin hag,“ sagði Sindri og bætti við að þrátt fyrir aukinn innflutning á búvörum hefði vöruverð til neytenda ekki lækkað heldur hefði arður verslunarkeðja aukist. Pétur telur að íslenskur landbúnaður ætti frekar að líta sér nær og takast á við aukna samkeppni. „Það hlýtur að vera eitthvað að ef við getum ekki verið samkeppnishæf þó þetta sé lítill markaður.“Vill að neytendur fái val Hann segir af og frá að kaupmenn hagnist verulega á innfluttum matvælum enda sé samkeppnin hörð. „Kaupmaðurinn er ekki að fá mikið. Af hverju eru ekki fleiri kjötbúðir eða kjötborð? Það er samkeppni í öllu og það skilar sér til neytenda.“ Pétur segir kröfur frá viðskiptavinum um aukið vöruúrval. „Það er hægt að kaupa kjöt erlendis og koma með heim. Það er í lagi en ekki að kaupa það hér á landi. Gefum fólki val,“ segir Pétur.Sjá einnig: Embættismenn draga lappirnar í sveppunum Pétur telur tolllagningu á landbúnaðarafurðum allt of mikla sem skili sér í hærra afurðaverði. Kjöt og ostar beri til að mynda allt of háa verndartolla að mati Péturs. „Það eru jafnvel verndartollar á vörum sem eru ekki til hérna,“ segir hann.Pétur segir af og frá að kaupmenn hagnist verulega á innfluttum matvælum enda séu þeir hátt tolllagðir.vísir/stefánPétur bendir einnig á að kjötvinnslur taki talsverðan hluta af verði á innfluttu kjöti fyrir utan þá tolla sem lagðir eru á matvæli. „En þetta er fámennt land og vinnslurnar eru litlar. Svo eru kröfur rosalega miklar um t.d. heilbrigði svo það er mikill kostnaður hjá vinnslunum,“ segir Pétur. Innflutningur á búvörum hefur aukist á síðustu árum því að skortur hafi verið á afurðum að sögn Péturs. „Vegna allra þessara ferðamanna hefur innflutningur aukist af því það vantar vörur. En ég hef ekki séð það hækka verð. Þetta hefur frekar valdið því að verð lækki, líka á innlendum landbúnaðarafurðum,“ segir kaupmaðurinn.Spyr hver greiði fyrir sölu lambakjöts erlendis Pétur bætir við að bændur þurfi líka á kaupmönnum að halda til að selja vöruna sína og nefnir sem dæmi sölu á íslensku lambakjöti erlendis. „Það er búið að reyna að flytja út lambakjöt með ærnum tilkostnaði en gengur samt ekki að selja það nógu vel. Hvaðan koma peningarnir sem fara í kynningar erlendis og niðurgreiðslur á kjöt til útlanda? Það væri gaman að fá að vita það. Er það í verðinu sem við erum að borga í dag?“, segir Pétur en leggur áherslu á að bændur og kaupmenn þurfi að vinna saman. „Við þurfum öll að vinna saman. Við ætlum ekki fara í stríð við bændur en fólk vill val,“ segir hann. Mest lesið Vonast til að koma dánarbúinu í góðar hendur Neytendur Skelltu líka í lás á Exit og í Nýju vínbúðinni Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Fjármálastjóri Play segir upp Viðskipti innlent Eitruð vinnustaðamenning algeng og margfaldar líkur á kulnun Atvinnulíf Reksturinn þungur í kjölfar „yfirgangs og afskipta lögreglu“ Viðskipti innlent Endurgjöf: Það sem þú átt ekki að gera Atvinnulíf Nú er hægt að elta góða veðrið um landið með kortavef Já.is Samstarf Mikill samdráttur á hagnaði Tesla Viðskipti erlent Sækjast eftir fangelsisdómi yfir rafmyntakóngi Viðskipti erlent Fleiri fréttir Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Sjá meira
„Ég vísa þessum fullyrðingum aftur til fjárhúsanna,“ segir Pétur Alan Guðmundsson, kaupmaður í Melabúðinni um ásakanir Sindra Sigurgeirssonar, formanns Bændasamtakanna, í garð kaupmanna. Sindri sagði á Búnaðarþingi í gær að kaupmenn væru ekki með hag neytenda í huga þegar þeir töluðu fyrir auknum innflutningi landbúnaðarafurða.Sjá einnig: Segir flest benda til þess að stórkaupmenn hugsi aðeins um eigin hag„Þetta hafa þeir oft gert undir þeim formerkjum að þeir beri hag neytenda fyrir brjósti þrátt fyrir að flest bendi til þess að þeir séu að aðeins að hugsa um eigin hag,“ sagði Sindri og bætti við að þrátt fyrir aukinn innflutning á búvörum hefði vöruverð til neytenda ekki lækkað heldur hefði arður verslunarkeðja aukist. Pétur telur að íslenskur landbúnaður ætti frekar að líta sér nær og takast á við aukna samkeppni. „Það hlýtur að vera eitthvað að ef við getum ekki verið samkeppnishæf þó þetta sé lítill markaður.“Vill að neytendur fái val Hann segir af og frá að kaupmenn hagnist verulega á innfluttum matvælum enda sé samkeppnin hörð. „Kaupmaðurinn er ekki að fá mikið. Af hverju eru ekki fleiri kjötbúðir eða kjötborð? Það er samkeppni í öllu og það skilar sér til neytenda.“ Pétur segir kröfur frá viðskiptavinum um aukið vöruúrval. „Það er hægt að kaupa kjöt erlendis og koma með heim. Það er í lagi en ekki að kaupa það hér á landi. Gefum fólki val,“ segir Pétur.Sjá einnig: Embættismenn draga lappirnar í sveppunum Pétur telur tolllagningu á landbúnaðarafurðum allt of mikla sem skili sér í hærra afurðaverði. Kjöt og ostar beri til að mynda allt of háa verndartolla að mati Péturs. „Það eru jafnvel verndartollar á vörum sem eru ekki til hérna,“ segir hann.Pétur segir af og frá að kaupmenn hagnist verulega á innfluttum matvælum enda séu þeir hátt tolllagðir.vísir/stefánPétur bendir einnig á að kjötvinnslur taki talsverðan hluta af verði á innfluttu kjöti fyrir utan þá tolla sem lagðir eru á matvæli. „En þetta er fámennt land og vinnslurnar eru litlar. Svo eru kröfur rosalega miklar um t.d. heilbrigði svo það er mikill kostnaður hjá vinnslunum,“ segir Pétur. Innflutningur á búvörum hefur aukist á síðustu árum því að skortur hafi verið á afurðum að sögn Péturs. „Vegna allra þessara ferðamanna hefur innflutningur aukist af því það vantar vörur. En ég hef ekki séð það hækka verð. Þetta hefur frekar valdið því að verð lækki, líka á innlendum landbúnaðarafurðum,“ segir kaupmaðurinn.Spyr hver greiði fyrir sölu lambakjöts erlendis Pétur bætir við að bændur þurfi líka á kaupmönnum að halda til að selja vöruna sína og nefnir sem dæmi sölu á íslensku lambakjöti erlendis. „Það er búið að reyna að flytja út lambakjöt með ærnum tilkostnaði en gengur samt ekki að selja það nógu vel. Hvaðan koma peningarnir sem fara í kynningar erlendis og niðurgreiðslur á kjöt til útlanda? Það væri gaman að fá að vita það. Er það í verðinu sem við erum að borga í dag?“, segir Pétur en leggur áherslu á að bændur og kaupmenn þurfi að vinna saman. „Við þurfum öll að vinna saman. Við ætlum ekki fara í stríð við bændur en fólk vill val,“ segir hann.
Mest lesið Vonast til að koma dánarbúinu í góðar hendur Neytendur Skelltu líka í lás á Exit og í Nýju vínbúðinni Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Fjármálastjóri Play segir upp Viðskipti innlent Eitruð vinnustaðamenning algeng og margfaldar líkur á kulnun Atvinnulíf Reksturinn þungur í kjölfar „yfirgangs og afskipta lögreglu“ Viðskipti innlent Endurgjöf: Það sem þú átt ekki að gera Atvinnulíf Nú er hægt að elta góða veðrið um landið með kortavef Já.is Samstarf Mikill samdráttur á hagnaði Tesla Viðskipti erlent Sækjast eftir fangelsisdómi yfir rafmyntakóngi Viðskipti erlent Fleiri fréttir Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Sjá meira