Korpa komin í 250 laxa

Litla perlan í Reykjavík eins og hún er oft nefnd er búin að gefa 250 laxa í sumar.

Þessi litla netta á er alveg sjáfbær og hefur verið nokkuð jöfn veiði í henni undanfarin ár en meðalveiðin síðustu ár frá árínu 1974 eru 296 laxar og það er líklegt að áin verði nálægt því í sumar verði hún sæmilega stunduð það sem eftir lifir tímabilsins. Mesta veiðin var árið 1988 sem var metsumar mjög víða á suður og vesturlandi en þá veiddust 709 laxar í ánni.

Aðeins er veitt á tvær stangir og nokkuð algengt er að þeir sem þekkja ánna vel nái þeim kvóta á skömmum tíma. Dæmi um það er frásögn veiðimanns sem átti dag við ánna í júlí en hann náði 4 löxum í 6 rennslum um ánna og staldraði því frekar stutt við þann daginn en hann hefur hingað til aðeins veitt á maðk.