Luke Walton, sem stýrir meisturum Golden State Warriors í fjarveru Steve Kerr, var í gær valinn þjálfari mánaðarins í Vesturdeildinni í NBA.
Það er óhætt að segja að þjálfaraferilinn fari vel af stað hjá Walton en Golden State hefur unnið fyrstu 19 leiki sína í deildinni, sem er met.
En samkvæmt skráningarreglum NBA-deildarinnar er Kerr, sem er enn að jafna sig eftir bakaðgerð, aðalþjálfari Golden State og því fær Walton sigrana sem Golden State vinnur undir hans stjórn ekki skráða á sig. Opinberlega er hann því með árangurinn 0-0 á þjálfaraferlinum.
Miðað við framgang Golden State undir stjórn Walton hlýtur hann að koma til greina í þau aðalþjálfarastörf sem kunnu að losna í framtíðinni. Hann er allavega búinn að leggja inn gott orð fyrir sjálfan sig.
Golden State hefur spilað frábærlega það sem af er vetri en liðið vinnur sína leiki með að meðaltali 15,4 stiga mun, sem er það mesta í NBA. Þá skorar Golden State flest stig allra liða í deildinni, eða 115,3 stig að meðaltali í leik.
Sjá einnig: Litlu strákarnir orðnir stærstir í NBA
David Blatt var valinn þjálfari mánaðarins í Austurdeildinni en undir hans stjórn hefur Cleveland Cavaliers unnið 13 af 17 leikjum sínum.
Walton þjálfari mánaðarins í NBA með engan skráðan sigur
Tengdar fréttir
Sjáðu hvernig Golden State kom sér í sögubækurnar | Myndbönd
Ekkert lið hefur byrjað betur í NBA-deildinni en ríkjandi meistarar Golden State Warriors.
Curry magnaður í einn einum sigri Golden State | Myndbönd
Sigurganga núverandi meistaranna í NBA-deildinni, Golden State Warriors, virðist engan enda ætla að taka. Þeir unnu sinn sautjánda leik í röð í deildinni í nótt nú gegn Phoenix, en þeir hafa unnið alla sína leiki á tímabilinu.
Það gengur bara allt upp hjá Steph Curry þessa dagana | Myndband
Stephen Curry bakvörður NBA-meistara Golden State Warriors ætti að vera í þokkalega góðu skapi þessa dagana enda gengur flest upp hjá kappanum.
Litlu strákarnir orðnir stærstir í NBA
NBA-meistarar Golden State Warriors hafa þegar skapað sér sérstöðu í sögu NBA-deildarinnar í körfubolta með því að vinna sextán fyrstu leiki tímabilsins. Þeir eru ekki bara að vinna sigra heldur nær alla leikina með miklum mun. Lifir sigurgangan fram á jóladag?
Besta byrjun liðs frá upphafi
Golden State Warriors komst í sögubækur NBA-deildarinnar með öruggum sigri á Lakers í nótt.
Golden State slapp með skrekkinn
Hið fullkomna tímabil Golden State Warriors heldur áfram en félagið vann sinn 19. leik í röð í nótt.
