Steindi, Björn Bragi og hinn ógurlegi Candyman

Steindi Jr sendi frá sér nýtt Vine-myndband í kvöld. Þar leikur félagi hans, Björn Bragi Arnarsson hinn fræga Candyman úr samnefndri hrollvekju sem var vinsæl á tíunda áratug síðustu aldar.

Í myndunum sögðu fórnarlömb Candyman nafn hans fimm sinnum fyrir framan spegilinn. Þá birtist hann og endaði það yfirleitt með ósköpum.

Í Vine-myndbandinu sem Steindi sendi frá sér í kvöld segir hann nafn Björns Braga fimm sinnum fyrir framan spegilinn og við það birtist Björn fyrir aftan hann, eins og Candyman gerði forðum daga.

Félagarnir eru í bol merktum Dóra DNA. Þeir eru búnir að vera saman í dag að steggja kappann sem giftir sig síðar í haust.

Myndbandið má sjá hér að neðan.