Í stuttmyndinni stíga þjóðþekktir einstaklingar fram og lýsa baráttu sinni við meðal annars kvíða, meðvirkni og fullkomnunaráráttu. Fjöldinn allur af fólki tjáir sig í myndinni en í meðfylgjandi stiklu sjáum við meðal annars bardagakappann Gunnar Nelson, skemmtikraftana Audda, Sveppa og Önnu Svövu, vöðvabúntið Arnar Grant, söngvarann Pál Óskar, söngkonuna Þórunni Antoníu og Crossfit-drottninguna Annie Mist.
Leikstjórar eru Baldvin Z, Sigurbjörg Bergsdóttir og Jóhanna Jakobsdóttir. Jóhanna og Sigurbjörg eru jafnframt framleiðendur myndarinnar. Handrit og leikstjórn gamansketsa í myndinni var í höndum Arnórs Pálma en tónlistin í myndinni er eftir Agga Friðbertsson og Sigrúnu Stellu Bessason.
