Fjórir karlmenn eru í haldi lögreglu, grunaðir um að hafa beitt 18 ára mann frelsissviptingu og grófu ofbeldi. Atvikið mun hafa átt sér stað þann 6. ágúst síðastliðinn í heimahúsi í Vogum á Vatnsleysuströnd. DV greindi frá málinu í morgun.
Friðrik Smári Björgvinsson, yfirlögregluþjónn hjá lögreglunni á höfuðborgarsvæðinu, segir í samtali við Vísi að áverkar fórnarlambsins hafi ekki verið svo miklir að hann hafi þurft á sjúkrahús. Einnig segir hann að mennirnir fjórir hafi verið handteknir á þriðjudaginn og munu þeir sitja gæsluvarðhald til 27. ágúst.
Frelsissviptingin átti sér stað á höfuðborgarsvæðinu og var fórnarlambið flutt í Vogana. Samkvæmt heimildum DV er einn þeirra sem eru í gæsluvarðhaldi Kristján Markús Sívarsson, bróðir Stefáns Loga Sívarssonar, en þeir eru einnig þekktir sem Skeljagrandabræður.
Fjórir í haldi vegna frelsissviptingar og grófs ofbeldis
Tengdar fréttir
Skeljagrandabróðir í gæsluvarðhald
Kristján Markús Sívarsson og Ríkharður Ríkharðsson voru handteknir í kjölfar alvarlegrar líkamsárásar. Eru núna lausir úr haldi.
Stefán Logi og Stefán Blackburn dæmdir í sex ára fangelsi
Dómur var kveðinn upp í Stokkseyrarmálinu rétt í þessu.
