Umfjöllun og viðtöl: Haukar - FH 22-22 | Mögnuð endurkoma hjá FH Henry Birgir Gunnarsson í Schenker-höllinni skrifar 20. nóvember 2014 14:04 Vísir/Vilhelm FH-ingar neituðu að gefast upp þrátt fyrir mikið mótlæti gegn Haukum í kvöld og nældu í gott stig. Það var jafnræði með liðunum framan af en FH-ingar ívið beittari. Það var þó bara í rétt rúmar tíu mínútur. Þá komust þeir í 5-6 en síðan luku þeir keppni í hálfleiknum. Haukarnir tóku yfir leikinn og keyrðu yfir nágranna sína. Þeir unnu síðustu 19 mínútur leiksins 8-2 og leiddu í hálfleik, 13-8. Tjörvi Þorgeirsson fór á kostum í hálfleiknum. Nýtti öll sín þrjú skot og lagði upp fjölda marka með stórkostlegum sendingum. Morkunas einnig ölfugur í markinu með 50 prósent markvörslu. FH-ingar mættu mjög grimmir til síðari hálfleiks. Allt annað að sjá varnarleik liðsins og liðið fór að fá hraðaupphlaup loksins. Þeir hefðu líklega náð að jafna leikinn frekar snemma ef Ásbjörn hefði nýtt tvö víti sem hann fékk. FH-ingar oft á tíðum klaufar og sjálfum sér verstir. Þeir neituðu þó að gefast upp og héldu áfram að keyra á fullu gasi. Sem fyrr fengu þeir ótalfæri til þess að koma sér inn í leikinn en þá voru þeir áfram sjálfum sér verstir. Klúðruðu fleiri vítum, misstu boltann klaufalega og svona mætti áfram telja. Glugginn var alltaf að opnast en þeir neituðu að koma inn. Átta mínútum fyrir leikslok náðu þeir loksins að minnka muninn í eitt mark, 20-19, og hleypa alvöru spennu í leikinn. FH-ingar komust yfir fjórum mínútum fyrir leikslok er Haukar virtust vera að fara á taugum. Þeir gátu líka unnið leikinn skot Ísaks undir lokin fór í slána og niður. Árni Steinn jafnaði svo leikinn með glæsilegu marki. Haukar mun betri í síðari en FH í þeim seinni. Glæsilegt hjá FH að koma til baka og ekki síst í ljósi þess að liðið klúðraði þrem vítum í síðari hálfleik og fór oft illa að ráði sínu. Liðið neitaði samt að gefast upp og uppskar eins og það sáði. Mikill styrkleiki hjá FH en að sama skapi virkar Haukaliðið afar brothætt. Liðið höndlar ekki mótlæti og mátti á endanum þakka fyrir að tapa ekki. Morkunas flottur í markinu og Tjörvi lengi vel frábær. Adam var óheppinn með skotin sín oft á tíðum og tók líka illa ígrunduð skot. Það er líka áhyggjuefni hversu lítið Árni Steinn er að finna sig. Leikmaður sem komst í landsliðshóp en er heillum horfinn. Hann bjargaði þó stiginu í lokin en getur mikið betur. Ásbjörn dró vagninn fyrir FH lengstum en fleiri stigu upp í síðari hálfleik. Þá var liðið miklu ákveðnara. Ágúst varði lykilbolta og Ísak var grimmur að sækja ólíkt því sem var í fyrri hálfleik. Daníel Matthíasson er minnsti og léttasti línumaður sem ég hef séð lengi en hann var grimmur og skilaði sínu. Gaman að sjá það.Ísak: Erum með frábært lið "Eins og staðan var í fyrri hálfleik þá var gott að fá punkt. En miðað við hvernig þetta spilaðist í seinni hálfleik þá áttum við að vinna þennan leik," sagði Ísak Rafnsson, skytta FH-inga. "Það var ógeðslega leiðinlegt að ná ekki að klára þetta í restina eftir allt puðið við að komast yfir. Það vantaði herslumuninn. Þetta er samt líklega sanngjörn niðurstaða miðað við hvernig hálfleikarnir spiluðust. Þeir betri í fyrri en við í seinni." FH-ingar sýndu magnað karakter með því að gefast aldrei upp. "Við erum með frábært handboltalið. Frábærir leikmenn og frábærir karakterar. Andri Berg fyrirliði var alveg ótrúlegur. Spilaði sóknarleik í síðasta leik sem hann hefur líklega ekki gert í svona 20 ár," sagði Ísak og hló. "Svo var hann magnaður í vörninni núna og reif okkur á fætur ásamt þjálfurunum." Ísak hefði getað klárað leikinn fyrir FH 50 sekúndum fyrir leikslok en skotið fór í slána og niður. "Sóknin var sett svona upp en því miður fór boltinn ekki inn. Eigum við ekki að segja að hann hafi verið blautur," sagði Ísak léttur.Patrekur: Er ekki að fara á taugum "Auðvitað er ég svekktur eftir frábæran fyrri hálfleik og ég fékk nákvæmlega þá sem ég óskaði eftir hjá strákunum," sagði Patrekur Jóhannesson, þjálfari Hauka. "Við gefum eftir í seinni hálfleik og ég er eðlilega óánægður með það. Við erum fimm mörkum yfir og auðvitað ræðir maður það við strákana að halda áfram eins og áður. Auðvitað áttum við klára leikinn en ég þakka fyrir stigið úr því sem komið var." Haukarnir urðu hræddir er FH sótti á þá. Þjálfarinn vill ekki meina að það sé endanlega skortur á sjálfstrausti heldur sé hann með ungt lið. "Það tekur tíma að byggja upp nýtt lið. Maður er að byggja upp nýtt lið á hverju ári á Íslandi. Við misstum fjóra eldri menn núna og sjö árið þar á undan. Þá vorum við fljótari að aðlagast en núna tekur það lengri tíma. Ég hef engar áhyggjur af þessu því ég veit hvað þessir strákar geta," sagði Patrekur. "Það er karakter í þessum strákum. Við vorum lélegir á Akureyri en þeir svara fyrir sig í dag. Ég er ekkert að fara á taugum enda nóg eftir af mótinu." Olís-deild karla Mest lesið „Grét rosa mikið út af öllu og engu“ Sport Aðstoðardómarinn bað Bæjara afsökunar: „Þetta er hörmung“ Fótbolti Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Handbolti Myndaveisla frá risasigrinum á Eistum Handbolti Uppgjör og viðtöl: Stjarnan - Keflavík 86-79 | Einvígið á leið í oddaleik Körfubolti Gagnrýnir lítinn stuðning við afreksíþróttafólk: „Upphæðin ein og sér er grín“ Handbolti Tekst Glódísi að hrifsa „barnið“ af Popp í dag? Fótbolti Sveindís bikarmeistari annað árið í röð Fótbolti Stuðningurinn ómetanlegur: „Farið í dýpstu leyndarmálin“ Sport Eiginkona Jokic í hjartnæmu myndbandi um þann besta Körfubolti Fleiri fréttir „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Bleyjur og klósettpappír áhorfenda kostuðu ÍBV Enn hægt að fá miða á HM-leikinn í kvöld Farangurinn flæktist fyrir Gísla: „Kom beint af flugvellinum“ Undanúrslit í Meistaradeildinni klár „Bara að fara heim og hitta mömmu“ Fjórir frá vegna meiðsla: „Dagurinn ekkert frábær á skrifstofunni“ „Höfum spilað vel án Arons áður“ „Veit ekki hvað Elmar þarf að gera til að komast í landsliðið“ Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Guðmundur og Íslendingalið Ribe-Esbjerg í undanúrslit Afturelding einum sigri frá úrslitum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Sjá meira
FH-ingar neituðu að gefast upp þrátt fyrir mikið mótlæti gegn Haukum í kvöld og nældu í gott stig. Það var jafnræði með liðunum framan af en FH-ingar ívið beittari. Það var þó bara í rétt rúmar tíu mínútur. Þá komust þeir í 5-6 en síðan luku þeir keppni í hálfleiknum. Haukarnir tóku yfir leikinn og keyrðu yfir nágranna sína. Þeir unnu síðustu 19 mínútur leiksins 8-2 og leiddu í hálfleik, 13-8. Tjörvi Þorgeirsson fór á kostum í hálfleiknum. Nýtti öll sín þrjú skot og lagði upp fjölda marka með stórkostlegum sendingum. Morkunas einnig ölfugur í markinu með 50 prósent markvörslu. FH-ingar mættu mjög grimmir til síðari hálfleiks. Allt annað að sjá varnarleik liðsins og liðið fór að fá hraðaupphlaup loksins. Þeir hefðu líklega náð að jafna leikinn frekar snemma ef Ásbjörn hefði nýtt tvö víti sem hann fékk. FH-ingar oft á tíðum klaufar og sjálfum sér verstir. Þeir neituðu þó að gefast upp og héldu áfram að keyra á fullu gasi. Sem fyrr fengu þeir ótalfæri til þess að koma sér inn í leikinn en þá voru þeir áfram sjálfum sér verstir. Klúðruðu fleiri vítum, misstu boltann klaufalega og svona mætti áfram telja. Glugginn var alltaf að opnast en þeir neituðu að koma inn. Átta mínútum fyrir leikslok náðu þeir loksins að minnka muninn í eitt mark, 20-19, og hleypa alvöru spennu í leikinn. FH-ingar komust yfir fjórum mínútum fyrir leikslok er Haukar virtust vera að fara á taugum. Þeir gátu líka unnið leikinn skot Ísaks undir lokin fór í slána og niður. Árni Steinn jafnaði svo leikinn með glæsilegu marki. Haukar mun betri í síðari en FH í þeim seinni. Glæsilegt hjá FH að koma til baka og ekki síst í ljósi þess að liðið klúðraði þrem vítum í síðari hálfleik og fór oft illa að ráði sínu. Liðið neitaði samt að gefast upp og uppskar eins og það sáði. Mikill styrkleiki hjá FH en að sama skapi virkar Haukaliðið afar brothætt. Liðið höndlar ekki mótlæti og mátti á endanum þakka fyrir að tapa ekki. Morkunas flottur í markinu og Tjörvi lengi vel frábær. Adam var óheppinn með skotin sín oft á tíðum og tók líka illa ígrunduð skot. Það er líka áhyggjuefni hversu lítið Árni Steinn er að finna sig. Leikmaður sem komst í landsliðshóp en er heillum horfinn. Hann bjargaði þó stiginu í lokin en getur mikið betur. Ásbjörn dró vagninn fyrir FH lengstum en fleiri stigu upp í síðari hálfleik. Þá var liðið miklu ákveðnara. Ágúst varði lykilbolta og Ísak var grimmur að sækja ólíkt því sem var í fyrri hálfleik. Daníel Matthíasson er minnsti og léttasti línumaður sem ég hef séð lengi en hann var grimmur og skilaði sínu. Gaman að sjá það.Ísak: Erum með frábært lið "Eins og staðan var í fyrri hálfleik þá var gott að fá punkt. En miðað við hvernig þetta spilaðist í seinni hálfleik þá áttum við að vinna þennan leik," sagði Ísak Rafnsson, skytta FH-inga. "Það var ógeðslega leiðinlegt að ná ekki að klára þetta í restina eftir allt puðið við að komast yfir. Það vantaði herslumuninn. Þetta er samt líklega sanngjörn niðurstaða miðað við hvernig hálfleikarnir spiluðust. Þeir betri í fyrri en við í seinni." FH-ingar sýndu magnað karakter með því að gefast aldrei upp. "Við erum með frábært handboltalið. Frábærir leikmenn og frábærir karakterar. Andri Berg fyrirliði var alveg ótrúlegur. Spilaði sóknarleik í síðasta leik sem hann hefur líklega ekki gert í svona 20 ár," sagði Ísak og hló. "Svo var hann magnaður í vörninni núna og reif okkur á fætur ásamt þjálfurunum." Ísak hefði getað klárað leikinn fyrir FH 50 sekúndum fyrir leikslok en skotið fór í slána og niður. "Sóknin var sett svona upp en því miður fór boltinn ekki inn. Eigum við ekki að segja að hann hafi verið blautur," sagði Ísak léttur.Patrekur: Er ekki að fara á taugum "Auðvitað er ég svekktur eftir frábæran fyrri hálfleik og ég fékk nákvæmlega þá sem ég óskaði eftir hjá strákunum," sagði Patrekur Jóhannesson, þjálfari Hauka. "Við gefum eftir í seinni hálfleik og ég er eðlilega óánægður með það. Við erum fimm mörkum yfir og auðvitað ræðir maður það við strákana að halda áfram eins og áður. Auðvitað áttum við klára leikinn en ég þakka fyrir stigið úr því sem komið var." Haukarnir urðu hræddir er FH sótti á þá. Þjálfarinn vill ekki meina að það sé endanlega skortur á sjálfstrausti heldur sé hann með ungt lið. "Það tekur tíma að byggja upp nýtt lið. Maður er að byggja upp nýtt lið á hverju ári á Íslandi. Við misstum fjóra eldri menn núna og sjö árið þar á undan. Þá vorum við fljótari að aðlagast en núna tekur það lengri tíma. Ég hef engar áhyggjur af þessu því ég veit hvað þessir strákar geta," sagði Patrekur. "Það er karakter í þessum strákum. Við vorum lélegir á Akureyri en þeir svara fyrir sig í dag. Ég er ekkert að fara á taugum enda nóg eftir af mótinu."
Olís-deild karla Mest lesið „Grét rosa mikið út af öllu og engu“ Sport Aðstoðardómarinn bað Bæjara afsökunar: „Þetta er hörmung“ Fótbolti Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Handbolti Myndaveisla frá risasigrinum á Eistum Handbolti Uppgjör og viðtöl: Stjarnan - Keflavík 86-79 | Einvígið á leið í oddaleik Körfubolti Gagnrýnir lítinn stuðning við afreksíþróttafólk: „Upphæðin ein og sér er grín“ Handbolti Tekst Glódísi að hrifsa „barnið“ af Popp í dag? Fótbolti Sveindís bikarmeistari annað árið í röð Fótbolti Stuðningurinn ómetanlegur: „Farið í dýpstu leyndarmálin“ Sport Eiginkona Jokic í hjartnæmu myndbandi um þann besta Körfubolti Fleiri fréttir „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Stjörnumarkvörðurinn í vandræðum með augað á sér Ísland eignast nýtt EHF dómarapar Bleyjur og klósettpappír áhorfenda kostuðu ÍBV Enn hægt að fá miða á HM-leikinn í kvöld Farangurinn flæktist fyrir Gísla: „Kom beint af flugvellinum“ Undanúrslit í Meistaradeildinni klár „Bara að fara heim og hitta mömmu“ Fjórir frá vegna meiðsla: „Dagurinn ekkert frábær á skrifstofunni“ „Höfum spilað vel án Arons áður“ „Veit ekki hvað Elmar þarf að gera til að komast í landsliðið“ Kostar 600 þúsund að keppa með U18: „Þetta eru þakkirnar fyrir að spila fyrir landsliðið“ Uppgjör og viðtöl: FH - ÍBV 34-27 | Aronslausir FH-ingar tryggðu sér sæti í úrslitum Guðmundur og Íslendingalið Ribe-Esbjerg í undanúrslit Afturelding einum sigri frá úrslitum Magdeburg á toppinn eftir stórleik Íslendinganna Fyrsta tap lærisveina Guðjóns Vals síðan í byrjun mars Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Sjá meira