Bíó Paradís hoppar á kóklestina

Bíó Paradís hefur skipt Pepsi út fyrir kók. „Það er hægt að fá hina klassísku tvennu hjá okkur,“ segir Hrönn Sveinsdóttir, framkvæmdarstjóri bíóhússins.

Bíóið hóf sölu á kóki um mánaðarmótin síðustu. Það vakti athygli þegar Sambíóin hættu að selja kók síðasta haust og gerðu samning við Ölgerðina. Eins og fram kom á Vísi í kjölfarið var Laugarásbíó því orðið eina bíóið á landinu þar sem hægt var að fá „popp og kók“.

„Fólk biður yfirleitt um popp og kók. Það virðist sem fólki þyrsti í þessa gömlu klassísku tvennu og sakni þess að fá hana ekki lengur í bíó,“ segi Hrönn.

Viðbrögðin hafa verið góð. „Viðskiptavinir okkar í Bíó Paradís hafa þakkað okkur sérstaklega fyrir þetta.“

„Við vildum bara prófa að sjá hvort þetta gengi og þetta virðist leggjast vel í fólk,“ segir Hrönn.