Tiger ekki með á Bay Hill

Tiger Woods, efsti maður heimslistans, tilkynnti í kvöld að hann verður ekki með á boðsmóti Arnold Palmer á Bay Hill vellinum í Orlando um helgina.

Woods á titil að verja á mótinu en hann hefur verið að glíma við bakmeiðsli að undanförnu. Hann bindur þó enn vonir við að ná fyrsta risamóti ársins, Masters-mótinu í næsta mánuði.

„Ég hringdi sjálfur í Arnold til að segja honum að ég gæti ekki tekið þátt í mótinu hans þetta árið,“ kom fram í yfirlýsingu sem Woods sendi frá sér í kvöld.

„Mér þykir þetta leitt fyrir hönd allra þeirra sem koma að mótinu en því miður hafa krampar og verki í bakinu mínu ekki minnkað.“

Woods hætti keppni á Honda Classic-mótinu fyrr í þessum mánuði eftir þrettán holur á lokahringnum. Hann vann síðast mót í ágúst síðastliðnum en Masters-mótið, sem Tiger vann síðast árið 2005, hefst þann 10. apríl.

Sýnt verður frá boðsmóti Arnold Palmer í beinni útsending á Golfstöðinni um helgina.