Lögreglan á höfuðborgarsvæðinu segir auglýsingu eftir vitnum vegna rannsóknar á líkamárás í Rimahverfi, hafa borið árangur. Hópur manna réðst á mann um helgina og börðu hann með golfkylfum.
„Við auglýstum eftir vitnum og höfum fengið nokkur nöfn og við erum nú að reyna að ná tali af þeim,“ segir Árni Þór Sigmundsson, aðstoðaryfirlögregluþjónn, í samtalil við Vísi.
Í fyrstu var talið um að fjöldi árásarmannanna hafi verið á bilinu tíu til tuttugu. Miðað við þær upplýsingar sem lögreglan hefur núna segir Árni að talan tíu sé vel í hærri kantinum.
„Það er talað um heldur færri einstaklinga, en samt sem áður hóp,“ segir Árni.
Færri árásarmenn í Rimahverfi en talið var í fyrstu

Tengdar fréttir

„Svona stór hópur manna fer varla á milli mála“
Lögreglan leitar vitna að árás á laugardag þegar hópur manna börðu mann með golfkylfum Grafarvogi.

Á annan tug ungmenna börðu mann með golfkylfum
Maðurinn var fluttur á slysadeild í lögreglubíl.