Sigur það eina sem kemur til greina hjá Tiger

Tiger Woods ætlar sér sigur á opna breska meistaramótinu í golfi sem hefst á Hoylake-vellinum hjá Royal Liverpool á morgun, en hann hefur ekki unnið risamót í sex ár.

Tiger á að baki þrjá sigra á opna breska, en hann vann mótið síðast þegar það var haldið á Royal Liverpool árið 2006. Þrátt fyrir erfiða vertíð vegna meiðsla eru aðeins ein úrslit sem koma til greina.

„Fyrsta sæti. Það er alltaf markmiðið,“ segir Tiger Woods sem ræsir klukkan níu í fyrramálið ásamt Argentínumanninum ÁngelCabrera og Svíanum HenrikStenson.

Tímabilið hefur reynst Tiger erfitt vegna meiðsla, en hann enn ekki unnið mót og þurft tvívegis að draga sig úr keppni. Hann er orðinn 38 ára gamall og gengist undir fjórar aðgerðir á vinstra hné, eina á hásin og nú síðast vegna bakmeiðsla.

„Þegar bakið var í ólagi gat ég samt vippað og púttað. Þá gat ég alveg spilað golf. En með bakið í ólagi gat ég ekkert gert - ekki einu sinni komist úr rúminu. Ég gat ekki gengið um húsið eða notið lífsins.

Opna breska meistaramótið hefst á morgun og verða allir keppnisdagarnir fjórir í beinni útsendingu á Golfstöðinni.